‘విక్రమ్’ విజయం తర్వాత విశ్వ నటుడు కమల్ హాసన్ సినిమాల స్పీడు మామూలుగా లేదు. బ్యాక్ టు బ్యాక్ క్రేజీ ప్రాజెక్ట్స్ ను లైన్లో పెడుతున్నాడు. ఈకోవలోనే లేటెస్ట్ గా ఫైట్ మాస్టర్స్ అన్బారివ్ డైరెక్షన్ లో ఓ సినిమాని చేయబోతున్నాడు. కమల్ హాసన్ సొంత నిర్మాణ సంస్థ రాజ్ కమల్ ఫిల్మ్స్ ఇంటర్నేషనల్ బ్యానర్ పై ఈ చిత్రం తెరకెక్కనుంది. కమల్ నటించే 237వ సినిమా ఇది కానుంది.
కమల్ హాసన్ నటించిన ‘విక్రమ్’తో పాటు.. ప్రస్తుతం మణిరత్నంతో చేస్తున్న ‘థగ్ లైఫ్’కి కూడా అన్బారివ్ ఫైట్ మాస్టర్స్ గా వ్యవహరిస్తున్నారు. ఇక.. లేటెస్ట్ గా ‘సలార్’తో ఈ ట్విన్స్ చేసిన యాక్షన్ మాయాజాలం గురించి చూశాం. ‘గేమ్ ఛేంజర్, ఇండియన్ 2’ వంటి సినిమాలకు కూడా అన్బారివ్ ఫైట్స్ కంపోజ్ చేస్తున్నారు. మొత్తంమీద.. సౌత్ లో నంబర్ 1 ఫైట్ మాస్టర్స్ గా కొనసాగుతోన్న అన్బారివ్.. కమల్ హాసన్ తో తీయబోయే సినిమాను ఏ రేంజులో డిజైన్ చేస్తారో చూడాలి.
