గత ఏడాది సంక్రాంతికి ‘వాల్తేరు వీరయ్య‘తో ఘన విజయాన్ని సాధించిన మెగాస్టార్ చిరంజీవికి.. ద్వితియార్థంలో వచ్చిన ‘భోళా శంకర్‘ భారీ డిజాస్టర్ ను మిగిల్చింది. ఈనేపథ్యంలో.. మెగాస్టార్ తన ఫుల్ కాన్సెంట్రేషన్ ‘విశ్వంభర‘ చిత్రంపైనే పెట్టాడు. ఈ సినిమాని సమ్ థింగ్ స్పెషల్ గా తీర్చిదిద్దించేందుకు ఎక్కువ కేర్ తీసుకుంటున్నాడట చిరు.
‘విశ్వంభర‘ సినిమా సోషియో ఫాంటసీ బ్యాక్ డ్రాప్ లో రూపొందుతోంది. ‘జగదేక వీరుడు అతిలోక సుందరి‘ తర్వాత చిరంజీవి నటిస్తున్న అలాంటి జానర్ మూవీ ఇది. ఈ చిత్రంలో ఏకంగా పదమూడుకు పైగా పెద్ద సెట్స్ నిర్మాణం జరుగుతుందట. అలాగే.. వివిధ లోకాలకు సంబంధించిన కథ కాబట్టి విజువల్ ఎఫెక్ట్స్ కు ఎక్కువ ప్రాధాన్యత ఉంటుంది. ఈ మూవీ బడ్జెట్ లో మేజర్ పార్ట్ సెట్స్, వి.ఎఫ్.ఎక్స్ కే అవ్వబోతున్నట్టు తెలుస్తోంది.
ఇప్పటివరకూ చిరంజీవి ఎంటరవ్వకుండానే ‘విశ్వంభర‘ షూట్ జరిగింది. ఫిబ్రవరి నుంచి మెగాస్టార్ ఈ సినిమా సెట్స్ లో అడుగుపెట్టనున్నాడు. యు.వి.క్రియేషన్స్ ఎంతో ప్రెస్టేజియస్ గా ప్రొడ్యూస్ చేస్తోన్న ఈ సినిమాని అంతే రిచ్ గా తెరకెక్కిస్తున్నాడట డైరెక్టర్ వశిష్ట. వచ్చే ఏడాది సంక్రాంతి కానుకగా ‘విశ్వంభర‘ ఇప్పటికే రిలీజ్ డేట్ కన్ఫమ్ చేసుకుంది.
