ఆర్ఆర్ఆర్(RRR) తో గ్లోబల్ స్టార్ గా మారాడు యంగ్ టైగర్ ఎన్టీఆర్(Jr.NTR). ఎలాంటి పాత్రైనా చేయగల దమ్మున్న ఏకైక టాలీవుడ్ స్టార్ గా ఎప్పుడో ప్రూవ్ చేసుకున్న యంగ్ టైగర్ కు ఈ మూవీ ప్రపంచ వ్యాప్తంగా అభిమానులను తెచ్చింది. ఆ అభిమానం చెదిరిపోకుండా ఉండాలంటే తర్వాతి ప్రాజెక్ట్స్ విషయంలో మరింత జాగ్రత్త తీసుకోవాలి. అందుకే కొరటాల శివ(Kortala Siva) సినిమా కోసం చాలా టైమ్ తీసుకున్నాడు.
కథ పక్కాగా కుదిరే వరకూ ఆగాడు. ఫైనల్ గా మార్చిలో ఈ మూవీ ప్రారంభం అయింది. ఏప్రిల్ నుంచి రెగ్యులర్ షూటింగ్ జరుగుతోంది. కొరటాల మార్క్ యాక్షన్ ఎంటర్టైనర్ గా రూపొందుతోన్న ఈ చిత్రంలో ఫస్ట్ టైమ్ బాలీవుడ్ బ్యూటీ జాన్వీ కపూర్(Janvi Kapoor) సౌత్ ఇండస్ట్రీ(South Industry)కి పరిచయం అవుతోంది.
జాన్వీ తల్లి శ్రీదేవి(Sri Devi), ఎన్టీఆర్ తాత సీనియర్ ఎన్టీఆర్(Sr. NTR) పెయిర్ కు తెలుగు నాట తిరుగులేని క్రేజ్ ఉంది. దీంతో ఈ ఇద్దరూ కలిసి నటిస్తుండటంతో ఇప్పుడు పాత తరం ప్రేక్షకులు కూడా ఈ ప్రాజెక్ట్ పై ఆసక్తిగా ఉన్నారు.
ఇక షూటింగ్ ప్రారంభం అయిన దగ్గర్నుంచీ శరవేగంగా చిత్రీకరణ జరుపుకుంటోన్న ఈ మూవీ కోసం ఒక భారీ యాక్షన్ సీన్ ను చిత్రీకరించబోతున్నాడు కొరటాల శివ. ఇందుకోసం శంషాబాద్(Shamshabad) ఏరియాలో ఓ భారీ సెట్ కూడా వేశారు. ఈ సెట్ లోనే ఏకంగా పది రోజుల పాటు ఈ ఫైట్ ను షూట్ చేయబోతున్నారు. ఇది సినిమాలోని హైలెట్స్ లో ఒకటిగా ఉంటుందని చెబుతున్నారు.
ఇక మరోవైపు కొరటాల తర్వాత ప్రశాంత్ నీల్(Prashanth Neel) సినిమా చేస్తాడు ఎన్టీఆర్. ఈ మూవీ ఈ యేడాది అక్టోబర్ లో ప్రారంభం అయ్యే అవకాశాలున్నాయి. అలాగే బాలీవుడ్(Bollywood) లో హృతిక్ రోషన్(Hrithik Roshan) తో కలిసి ‘వార్2’ చేయబోతున్నాడు.
ఈ బాలీవుడ్ మూవీ కోసం ఎన్టీఆర్ కు ఏకంగా 100 కోట్లకు పైగా రెమ్యూనరేషన్ ఇవ్వబోతున్నారు. మొత్తంగా ప్రస్తుతం షూటింగ్ లో ఉన్న కొరటాల శివ సినిమా 2024 ఏప్రిల్ 5న సమ్మర్ స్పెషల్ గా విడుదల కాబోతోంది.
