సినిమా సినిమాకి కథల ఎంపికలో విలక్షణతను చూపిస్తున్న సుహాస్.. లేటెస్ట్ గా ‘అంబాజీపేట మ్యారేజీ బ్యాండు’తో బంపర్ హిట్ అందుకున్నాడు. ఇప్పుడు ‘గొర్రె పురాణం’ అంటూ మరో వైవిధ్యభరిత చిత్రంతో రాబోతున్నాడు. కొత్త డైరెక్టర్ బాబీ తెరకెక్కిస్తున్న ఈ చిత్రాన్ని ఫోకల్ వెంచర్స్ సంస్థ నిర్మిస్తుంది. ఈ చిత్రానికి ‘లవ్ స్టోరీ’ ఫేమ్ పవన్ సి.హెచ్. సంగీతాన్ని సమకూరుస్తున్నాడు. తాజాగా ఈ సినిమా నుంచి గ్లింప్స్ రిలీజ్ చేశారు.
చంచల్ గూడ జైలులో ఉన్న ఏ1 ఏసుకు కోర్టు బెయిల్ నిరాకరించింది అంటూ బ్రేకింగ్ న్యూస్ చెప్తున్న యాంకర్ వాయిస్ తో ఈ గ్లింప్స్ మొదలైంది. ఆ తర్వాత జనాలు, మీడియా, పోలీసులు.. ఇలా వీరందరిని చూపిస్తూ ‘గొర్రె పురాణం’ టైటిల్ ను చూపించారు. చివర్లో జైలు నుంచి ఒక గొర్రె బయటకు రావడం ఈ గ్లింప్స్ లో ఉంది. అసలు గొర్రె జైలుకి వెళ్లడం ఏంటి? అనే ఆసక్తికర అంశంతో రాబోతున్న ‘గొర్రె పురాణం’ కథేంటో తెలియాలంటే ఈ సినిమా వచ్చే వరకూ ఆగాల్సిందే.
