మాస్ హీరో విశాల్ 34వ సినిమాకి ‘రత్నం‘ అనే టైటిల్ ఫిక్స్ అయ్యింది. ఈ సినిమాకి హరి దర్శకత్వం వహిస్తున్నాడు. గతంలో వీరిద్దరి కాంబోలో వచ్చిన ‘భరణి, పూజ‘ సినిమాలు మంచి విజయాలు సాధించాయి. ఇప్పుడు వీరి కలయికలో రాబోతున్న మూడో సినిమా ఇది. ఈ మూవీలో విశాల్ సరసన ప్రియా భవానీ శంకర్ హీరోయిన్ గా నటిస్తుంది. రాక్ స్టార్ దేవిశ్రీప్రసాద్ సంగీతాన్ని సమకూరుస్తున్నాడు. తాజాగా ‘రత్నం‘ సినిమా ఫస్ట్ షాట్ పేరుతో స్మాల్ టీజర్ ను రిలీజ్ చేశారు మేకర్స్.
విశాల్ మాస్ అవతార్ లో నడుస్తూ వెళ్లి.. కత్తితో ఒకరి తల నరికే సన్నివేశంతో సాగింది ఈ టైటిల్ టీజర్. ‘కన్నీరే నెత్తురు చిందగా.. క్రోదమే రుధిరం చిమ్మగా.. ఆగ్రహమే అరుణధారగా.. రణరంగమే రక్తపు ఏరుగా’ అంటూ డి.ఎస్.పి. బ్యాక్ గ్రౌండ్ స్కోర్ ఆకట్టుకుంటుంది. స్టోన్ బెంచ్ ఫిల్మ్స్, జీ స్టూడియోస్ సంయుక్తంగా ఈ చిత్రాన్ని నిర్మిస్తున్నాయి. ఎం సుకుమార్ సినిమాటోగ్రఫీ సమకూరుస్తుండగా.. కనల్ కన్నన్, పీటర్ హెయిన్, దిలిప్ సుబ్రయాన్, విక్కీ ఫైట్స్ కంపోజ్ చేస్తున్నారు.
