ఎన్ని సినిమాలు చేసినా.. నటీనటులకు తమ జీవితంలో గుర్తిండిపోయే పాత్రలు కొన్నే ఉంటాయి. నేషనల్ క్రష్ రష్మిక కెరీర్ లో అలాంటి ఒక పాత్ర శ్రీవల్లి. సూపర్ డూపర్ బ్లాక్ బస్టర్ ‘పుష్ప ది రైజ్‘లో శ్రీవల్లిగా నటించి.. ఆ పాత్రకే వన్నె తెచ్చింది రష్మిక. అలాంటి ఐకానిక్ రోల్ లో మరోసారి మురిపించడానికి ముస్తాబవుతోంది. ‘పుష్ప‘ సెకండ్ పార్ట్ ‘ది రూల్‘లోనూ శ్రీవల్లిగా అలరించడానికి రెడీ అవుతోంది ఈ నేషనల్ క్రష్. ఈరోజు (ఏప్రిల్ 5) రష్మిక పుట్టినరోజు కానుకగా ‘పుష్ప 2‘ నుంచి స్పెషల్ బర్త్ డే పోస్టర్ రిలీజ్ చేసింది టీమ్. ఈ క్రేజీ సీక్వెల్ లో రష్మిక పాత్ర శ్రీవల్లి గెట‌ప్‌ ను రివీల్ చేస్తూ రిలీజ్ చేసిన ఈ పోస్టర్ ఆకట్టుకుంటుంది. ఏప్రిల్ 8న అల్లు అర్జున్ పుట్టినరోజు సందర్భంగా విడుదలయ్యే టీజర్ తో రష్మిక పోషిస్తున్న శ్రీవల్లి పాత్రపై ఇంకా పూర్తిగా క్లారిటీ వచ్చే అవకాశం ఉంది.
