నేచురల్ స్టార్ నాని సినిమాల్లో అతని సహజ నటనతో పాటు మరో స్పెషల్ అట్రాక్షన్ సాంగ్స్. ఇక.. నాని లేటెస్ట్ మూవీ ‘హాయ్ నాన్న‘ నుంచి ఇప్పటికే రిలీజైన ‘సమయమా, గాజు బొమ్మా, అమ్మాడి‘ గీతాలకు అద్భుతమైన రెస్పాన్స్ దక్కింది. తాజాగా ఈ చిత్రం నుంచి ‘ఓడియమ్మా‘ అంటూ సాగే మంచి మాస్ బీట్ సాంగ్ ను రిలీజ్ చేశారు మేకర్స్. నాని, శ్రుతి హాసన్ కాంబినేషన్ లో బీచ్ సైడ్ బటర్ ఫ్లై డిజైన్ లో వేసిన అద్భుతమైన సెట్ లో ఈ పాటను చిత్రీకరించారు.
‘ఓడియమ్మ హీటు.. ఈడియమ్ లో బీటు.. రేడియమ్ లా లైటు.. పార్టీలో ఇటు అటు‘ అంటూ సాగే ఈ గీతాన్ని శ్రుతి హాసన్ తో కలిసి విక్రమ్ తనయుడు ధ్రువ్ విక్రమ్ అద్భుతంగా ఆలపించాడు. ఈ పాటలో చిన్మయి శ్రీపాద కూడా గొంతు కలిపింది. హేషమ్ అబ్దుల్ వహబ్ సంగీతంలో అనంత్ శ్రీరామ్ ఈ గీతాన్ని రాశాడు. బాస్కో కొరియోగ్రఫీ ఈ సాంగ్ కి మరో అదనపు ఆకర్షణ. మొత్తంమీద.. మంచి మాస్ బీట్ తో.. స్టైలిష్ స్టెప్స్ తో ఆద్యంతం ఆకట్టుకుంటోంది ఈ గీతం.
