మాస్ మహారాజ రవితేజ పరిచయం చేసిన దర్శకుల్లో టాలెంటెడ్ హరీష్ శంకర్ ఒకడు. రవితేజ నటించిన ‘షాక్’ సినిమాతో హరీష్ శంకర్ దర్శకుడిగా పరిచయమయ్యాడు. తొలి సినిమా షాక్ ఇచ్చినా.. ఆ తర్వాత ‘మిరపకాయ్’తో మంచి విజయాన్నందుకుంది ఈ కాంబో. మళ్లీ ఇప్పుడు ముచ్చటగా మూడోసారి రవితేజ-హరీష్ శంకర్ కాంబినేషన్ సెట్టయ్యింది. వీరిద్దరి కలయికలో సినిమాని అధికారికంగా ప్రకటించారు.
పీపుల్ మీడియా ఫ్యాక్టరీ ఈ సినిమాని నిర్మించబోతుంది. ఈ మూవీలో రవితేజ పవర్ ఫుల్ పోలీసాఫీసర్ పాత్రలో నటిస్తాడనే ప్రచారం జరుగుతోంది. అందుకు సంబంధించిన ఫోటో షూట్ కూడా జరిగిందట. మరోవైపు మలినేని గోపీచంద్ తో రవితేజా నటించాల్సిన సినిమా క్యాన్సిల్ అవ్వడంతో.. ఆ ప్లేసులో ఈ మూవీని సెట్ చేశాడు మాస్ మహారాజ. ఇక.. హరీష్ శంకర్ దర్శకత్వంలో పవన్ కళ్యాణ్ హీరోగా నటిస్తున్న ‘ఉస్తాద్ భగత్ సింగ్’ కొంతకాలం తాత్కాలికంగా ఆగినట్టు తెలుస్తోంది. రవితేజ మూవీ కంప్లీట్ చేసిన తర్వాత ‘ఉస్తాద్..’ని ఫినిష్ చేయనున్నాడట హరీష్ శంకర్.
