శంకర్ కూతురు పెళ్లిలో మెగా సందడి

డైరెక్టర్స్ కు హీరోయిజాన్ని తీసుకొచ్చిన అతికొద్దిమంది దర్శకుల్లో శంకర్ ఒకరు. అలాంటి శంకర్ ఇంటిలో శుభకార్యం అంటే ఆ సందడి ఎలా ఉంటుందో ప్రత్యేకంగా చెప్పక్కర్లేదు. దర్శకుడు శంకర్ పెద్ద కూతురు ఐశ్వర్య పెళ్లి తరుణ్ కార్తికేయన్ తో ఘనంగా జరిగింది. ఈ వేడుకకు తమిళ ఇండస్ట్రీ నుంచి దిగ్గజ నటులు రజనీకాంత్, కమల్ హాసన్ తో పాటు విక్రమ్, సూర్య వంటి ఎంతోమంది సెలబ్రిటీలు హాజరయ్యారు.

ఇక.. టాలీవుడ్ నుంచి మెగా ఫ్యామిలీ ఈ వేడుకలో సందడి చేసింది. చిరంజీవి-సురేఖ, రామ్ చరణ్-ఉపాసన దంపతులు ఈ ఫంక్షన్ లో సెంట్రాఫ్ అట్రాక్షన్ గా నిలిచారు. ప్రస్తుతం శంకర్.. రామ్ చరణ్ తో ‘గేమ్ ఛేంజర్’ సినిమా చేస్తున్నాడు. ఇప్పటికే ఫినిషింగ్ స్టేజ్ కు చేరుకున్న ‘గేమ్ ఛేంజర్’ సెప్టెంబర్ చివర్లో లేదా అక్టోబర్ లో ఆడియన్స్ ముందుకు రానుంది.