‘బింబిసార‘ సినిమాతో మళ్లీ తెలుగులో సోషియో ఫాంటసీ చిత్రాలకు డిమాండ్ పెరిగింది. ఇప్పుడు అదే సినిమా డైరెక్టర్ వశిష్ట.. మెగాస్టార్ తో అదే తరహా సినిమాని తెరకెక్కిస్తున్నాడు. మెగా 156 వర్కింగ్ టైటిల్ తో మొదలైన ఈ సినిమాకి ‘విశ్వంభర‘ అనే టైటిల్ ప్రచారంలో ఉంది. ఇటీవలే షూటింగ్ మొదలుపెట్టుకున్న ఈ సినిమా ఆద్యంతం ముల్లోకాల చుట్టూ సాగుతోందని.. ఈ మూవీలో చిరంజీవి జగదేకవీరుడుగా కనిపించబోతున్నాడనే టాక్ వినిపించింది. అయితే.. లేటెస్ట్ గా మెగా 156 లో మెగాస్టార్ క్యారెక్టర్ పై ఓ కథనం ఫిల్మ్ సర్కిల్స్ లో చక్కర్లు కొడుతుంది.
డ్యాన్సెస్, ఫైట్స్ తో పాటు.. కామెడీని పండించడంలో చిరంజీవిది ప్రత్యేకమైన శైలి. చిరు కామెడీ టైమింగ్ కి ఆడియన్స్ లో సెపరేట్ క్రేజుంది. ఇక.. మెగా 156 లోనూ మెగాస్టార్ కామెడీ ఓ రేంజులో ఉండబోతుందట. ఈ సినిమాలో చిరంజీవి భీమవరం దొరబాబు అనే పాత్రలో కనిపిస్తాడట. ఎంతో వినోదాత్మకంగా ఆ పాత్రను తీర్చిదిద్దాడట డైరెక్టర్ వశిష్ట. ఆ పాత్రలో చిరు మేకోవర్, ఆహార్యం కొత్తగా ఉంటాయట. వినోదాన్ని పంచుతూనే చిరు క్యారెక్టర్ చేసే సాహసాలు ఆడియన్స్ ను ఎంతగానో ఆకట్టుకుంటాయట. యు.వి.క్రియేషన్స్ నిర్మిస్తున్న ఈ మూవీకి మంచి టెక్నికల్ టీమ్ పనిచేస్తుంది. అయితే.. ఈ సినిమాలో మిగతా కాస్టింగ్ విషయంపై మాత్రం క్లారిటీ రావాల్సి ఉంది.
