దిల్ రాజు కాంపౌండ్ అంటేనే కంప్లీట్ ఫ్యామిలీ ఎంటర్ టైనర్స్ ను ఎక్స్ పెక్ట్ చేస్తాం. అలాగే.. దిల్ రాజు సంస్థ నుంచి ఫక్తు ప్రేమకథా చిత్రాలు కూడా ఎన్నో వచ్చాయి. కానీ.. ఈసారి కాస్త వైవిధ్యంగా ఓ దెయ్యంతో ప్రేమలో పడటం అనే సరికొత్త కాన్సెప్ట్ తో దిల్ రాజు ప్రొడక్షన్స్ నుంచి రాబోతున్న సినిమా ‘లవ్ మీ’. ‘ఇఫ్ యూ డేర్’ అనేది ఈ మూవీకి ట్యాగ్ లైన్.
‘రౌడీ బాయ్స్’ ఫేమ్ ఆశిష్ రెడ్డి హీరోగా నటిస్తున్న ఈ సినిమాలో ‘బేబి’ వైష్ణవి చైతన్య హీరోయిన్ గా నటిస్తుంది. లెజెండరీ టెక్నీషియన్స్ ఈ చిత్రానికి వర్క్ చేస్తున్నారు. ఎమ్.ఎమ్.కీరవాణి ఈ మూవీకి మ్యూజిక్ అందిస్తుండగా.. పి.సి. శ్రీరామ్ సినిమాటోగ్రఫీ సమకూరుస్తున్నాడు. ఇప్పటికే టైటిల్ మోషన్ పోస్టర్ తో ఆకట్టుకున్న ‘లవ్ మీ’ మూవీ నుంచి టీజర్ రిలీజయ్యింది.
‘భయమేసే చోట రొమాన్స్..ఇంకా ఎగ్జైటింగ్ గా ఉంటుంది ప్రియా.. ‘ అంటూ అశిష్ చెప్పే డైలాగ్ తో ప్రారంభమైన ఈ టీజర్ ఆసక్తికరంగా ఉంది. దెయ్యంతో రొమాన్స్ చేయాలనే కోరికతో ఓ పాడుబడ్డ బిల్డింగ్ లోకి వెళ్లే హీరో.. అతన్ని వారించే హీరోయిన్.. మధ్యలో దెయ్యం చేసే హడావుడితో టీజర్ అయితే ఇంట్రస్టింగ్ గా ఉంది. ముందునుంచీ ఈ మూవీలో వైష్ణవి దెయ్యం పాత్రలో కనిపిస్తుందనేది ప్రచారమైంది. కానీ.. ఆమె హీరో పక్కన ఉండడం ఈ టీజర్ లో చూడొచ్చు. మరి.. దెయ్యం పాత్రను ఎవరు పోషించారు? అది కూడా వైష్ణవియే చేసిందా? అనేది తెలియాలంటే సినిమా వచ్చే వరకూ ఆగాల్సిందే.
దిల్ రాజు ప్రొడక్షన్స్ హర్షిత్ రెడ్డి, హన్షిత రెడ్డి, నాగ మల్లిడి సంయుక్తంగా నిర్మిస్తున్న ఈ చిత్రానికి అరుణ్ భీమవరపు దర్శకుడు. త్వరలోనే ‘లవ్ మీ’ మూవీ రిలీజ్ డేట్ ను అనౌన్స్ చేయనుంది టీమ్
