‘సేవ్ ద టైగర్స్‘ కోసం ఓటీటీ సంస్థ బంపరాఫర్

ఈమధ్య కాలంలో సినిమాలకు దీటుగా సిరీస్ లకు కూడా మంచి పేరొస్తుంది. ముఖ్యంగా తెలుగులో వచ్చిన కొన్ని సిరీస్ లకు డిజిటల్ ప్లాట్ ఫామ్స్ లో విపరీతమైన ఫాలోయింది ఉంది. అలాంటి వాటిలో ముందు వరుసలో నిలిచే సిరీస్ ‘సేవ్ ద టైగర్స్‘. ప్రియదర్శి, అభినవ్ గోమటం, కృష్ణ చైతన్య, పావని, జోర్దార్ సుజాత, దేవయాని ఈ సిరీస్ లో ప్రధాన పాత్రలు పోషించారు. ఆరు ఎపిసోడ్స్ తో ఈ సిరీస్ లోని ఫస్ట్ సీజన్ రిలీజైంది. గత ఏడాది ఏప్రిల్ నుంచి డిస్నీ ప్లస్ హాట్ స్టార్ లో స్ట్రీమ్ అవుతోన్న ఈ సిరీస్ కి చాలా మంచి రెస్పాన్స్ వచ్చింది.

సీజన్ 1 తర్వాత సీజన్ 2 కోసం ఎంతో ఆసక్తిగా ఎదురుచూస్తున్నారు ప్రేక్షకులు. లేటెస్ట్ గా ‘సేవ్ ద టైగర్‘ సీజన్ 2 రెడీ అవుతోంది. త్వరలోనే సీజన్ 2ని స్ట్రీమింగ్ చేయడానికి సిద్ధమవుతోంది టీమ్. సీజన్ 2 స్ట్రీమింగ్ మొదలయ్యే ముందు సీజన్ 1ని మరోసారి అందరూ ఆస్వాదించేందుకు ఉచితంగా తమ ఓటీటీలో అందుబాటులోకి తీసుకొస్తుంది డిస్నీ ప్లస్ హాట్ స్టార్. మార్చి 10వ తేదీ వరకు డిస్నీ ఫ్లస్ హాట్ స్టార్ లో ‘సేవ్ ద టైగర్స్‘ సీజన్ 1 ని ఉచితంగా వీక్షించొచ్చట.