ఈటీవీకి కోలుకోలేని దెబ్బ.. ‘స్టార్ మా’కు సుధీర్ రష్మీ జోడి జంప్

స్టార్ మా ఈ హోళికి అందరికీ సర్ ప్రైజ్ ఇచ్చింది. సుధీర్ రష్మీ జోడిని స్టార్ మాకు తీసుకొచ్చేశారు. తగ్గేదేలే అంటూ స్టార్ మాలో ఈ హోళికి ఈవెంట్ రాబోతోంది. ఈ ఈవెంట్‌లో సుధీర్ రష్మీ జోడి సందడి చేయబోతోంది.

బుల్లితెరపై సుధీర్ రష్మీ జోడికి ఉన్న క్రేజ్ అంతా ఇంతా కాదు. గత తొమ్మిదేళ్లుగా ఈ జంట ప్రేక్షకులను అలరిస్తూనే ఉంది. అయితే స్పెషల్ ఈవెంట్లలో మాత్రం ఈ మధ్య కనిపించడం లేదు. ఇక ఢీ షోలోనే ఈ ఇద్దరూ జంటగా కనిపించేవారు. ఇప్పుడేమో అది కూడా సాధ్యపడటం లేదు. ఢీ షో నుంచి సుధీర్ బయటకు వచ్చాడు. అక్కడ ఇప్పుడు రష్మీ మాత్రమే ఉంది.

సుధీర్ రష్మీల మీద గతంలో చేసిన ఎన్నో ఈవెంట్లు బ్లాక్ బస్టర్ హిట్లు అయ్యాయి. ఈ ఇద్దరి పెళ్లి మీద చేసిన ఈవెంట్లు అప్పట్లో ఒక సంచలనం. అయితే సుధీర్ రష్మీ జోడిగా కనిపించి చాలా రోజులైంది. ఈ ఇద్దరూ కలిసి పండుగ స్పెషల్ ఈవెంట్లు చేయడం లేదు. సుధీర్ ఈటీవీ షోలకు వెళ్తుంటే.. రష్మీ మాత్రం జీ తెలుగు, స్టార్ మా అంటూ తిరుగుతోంది.

మల్లెమాల సైతం ఈ మధ్య స్పెషల్ ఈవెంట్లకు సుధీర్‌ను దూరం పెడుతున్నట్టు కనిపిస్తోంది. తాజాగా ఈటీవీలో మల్లెమాల చేస్తోన్న హోళీ ఈవెంట్ ప్రోమో వచ్చింది. రంగ్ దే అంటూ వచ్చిన ఈ ఈవెంట్‌లో సుధీర్ కనిపించలేదు. ఎప్పటిలానే ఆది, రాం ప్రసాద్, ఇమాన్యుయేల్, వర్షలే కనిపించారు. సుధీర్ ఎక్కడా? అంటూ అతని ఫ్యాన్స్ కామెంట్లతో మల్లెమాల మీద ఆగ్రహాన్ని వ్యక్తం చేశారు.

అయితే ఇప్పుడు అదే హోళీ ఈవెంట్‌కు స్టార్ మా చానెల్‌లో సుధీర్ కనిపించాడు. తగ్గేదేలే అంటూ యాంకర్ రవి, రష్మీ హోస్ట్ చేస్తోన్న ఈ షోలో సుధీర్ కనిపించాడు. సుధీర్, రష్మీ ఎమోషనల్ బాండింగ్‌ను బాగానే ఎలివేట్ చేశారు. రష్మీ కోసం సుధీర్ పాట పాడటం, రష్మీ దిష్టి చుక్క పెట్టేయడం అన్నీ కూడా బాగున్నాయి.

ఈ దెబ్బతో మల్లెమాల చేస్తోన్న హోళీ పండుగ ఈవెంట్‌కు టీఆర్పీ రాదని అర్థమవుతోంది. మొదటి సారిగా స్టార్ మా ఈవెంట్ గురించి ఇప్పుడు హాట్ టాపిక్ అవుతోంది. ఈ ఈవెంట్ టీఆర్పీ రేటింగ్ రికార్డులు క్రియేట్ చేస్తుందని సుధీర్ ఫ్యాన్స్ కామెంట్లు పెడుతున్నారు.