షారుఖ్ సినిమాలో విజయ్ ఫైట్

బాలీవుడ్ బాద్ షా షారుఖ్ ఖాన్ లేటెస్ట్ మూవీ జవాన్. తమిళ్ స్టార్ అట్లీ డైరెక్ట్ చేస్తోన్న ఈ సినిమాలో నయనతార, విజయ్ సేతుపతి, ప్రియమణి తదితరులు కీలక పాత్రలు చేస్తున్నారు. అనిరుధ్ రవిచంద్రన్ సంగీతం చేస్తున్నాడు. ఆ మధ్య విడుదల చేసిన ట్రైలర్ తో మోస్ట్ ప్రామిసింగ్ అనిపించుకుందీ చిత్రం.

ఆల్రెడీ పఠాన్ తో కంట్రీ మొత్తం షేక్ చేసి ఉన్నాడు షారుఖ్. ఆ తర్వాత వస్తోన్న సినిమా కావడంతో జవాన్ పై భారీ అంచనాలున్నాయి. ఇక ఈ సినిమాలో తమిళ్ స్టార్ ఇళయదళపతి విజయ్ కూడా నటిస్తున్నాడు అని కొన్ని వార్తలు వచ్చాయి. మొదట్లో వీటిని రూమర్స్ అనే అనుకున్నారు. బట్ నిజమే. విజయ్ జవాన్ సినిమాలో ఓ కేమియో రోల్ చేస్తున్నాడు అని కన్ఫార్మ్ చేశారు. మామూలుగా కేమియో అంటే ఇలా వచ్చి అలా వెళ్లిపోతారు. కానీ ఈ పాత్ర అలా ఉండదట.. షారుఖ్ కోసం ఓ భారీ ఫైట్ సీన్ లో విజయ్ కూడా కనిపిస్తాడంటున్నారు. ఇప్పటికే ఈ ఫైట్ షూటింగ్ కు ఏర్పాట్లు చేస్తున్నారు.

ఇంతకు ముందు చిరంజీవి గాడ్ ఫాదర్ సినిమాలో సల్మాన్ లా, షారుఖ్ పఠాన్ లో సల్మాన్ ఖాన్ లా ఓ భారీ యాక్షన్ సీక్వెన్స్ లోనే విజయ్ కూడా పార్టిసిపేట్ చేస్తాడట. అయితే ఈ సినిమాలో నటిస్తున్నందుకు గానూ విజయ్ ఎలాంటి రెమ్యూనరేషన్ తీసుకోవడం లేదు. మేకర్స్ ఆఫర్ చేసినా తనకు హ్యాట్రిక్ బ్లాక్ బస్టర్స్ ఇచ్చిన దర్శకుడు అట్లీ బాలీవుడ్ లో చేస్తోన్న ఫస్ట్ మూవీ కావడంతో పాటు షారుఖ్ పై ఉన్న రెస్పెక్ట్ వల్ల రెమ్యూనరేషన్ వద్దన్నాడట.

ఈ వారంలోనే ఈ ఫైట్ ను చిత్రీకరించోతున్నారని టాక్. విజయ్ వల్ల ఇతర భాషల్లో ఏమో కానీ.. తమిళ్ లో మాత్రం బాక్సాఫీస్ కు డబుల్ జోష్ వస్తుందనే చెప్పాలి. ఇక ఈ చిత్రం సెప్టెంబర్ 7న ప్రపంచ వ్యాప్తంగా విడుదల కాబోతోంది.