శివకార్తికేయన్ నుంచి ఓ సినిమా వస్తుందంటే ఖచ్చితంగా ఓ మంచి కథతోనే వస్తాడు అని నమ్ముతారు తమిళ్ ప్రేక్షకులు. వారిలో అతనిపై ఉన్న నమ్మకం అలాంటిది. అతని ఇమేజ్ కూడా అలాంటిదే. చిన్న స్థాయి నుంచిపెద్ద హీరోగా ఎదిగాడు శివకార్తికేయన్. అందుకే అతనంటే చాలామందికి అభిమానం. అయితే కొన్నాళ్లుగా తెలుగులో మార్కెట్ పెంచుకోవాలని ప్రయత్నిస్తున్నాడు.
ఈ క్రమంలో వచ్చిన రెమో, డాక్టర్ వరుణ్‌ వంటి సినిమలు ఓకే అనిపించుకున్నాయి. కానీ అతనికి ఇక్కడ ఇమేజ్ తెచ్చేంత పెద్ద సినిమాలైతే కాదు. కాకపోతే అతని సినిమాలను కొన్నాళ్లుగా ఓటిటిలో చూస్తున్నారు తెలుగు ప్రేక్షకులు.రీసెట్ గా ప్రిన్స్ అనే డైరెక్ట్ మూవీతో పలకరించాడు. తెలుగు దర్శకుడు అనుదీప్ రూపొందించినీ సినిమా పోయింది. అయినాఇప్పుడు మహా వీరుడు అంటూ తన తమిళ్ మూవీని తెలుగులో డబ్ చేశాడు.
ఈ శుక్రవారం మహావీరుడు సినిమా విడుదలైంది. రిలీజ్ రోజునే ఉదయం ఆట పడలేదు ఈ మూవీ. టెక్నికల్ ఇష్యూస్ రావడం వల్ల ప్రసాద్ ఐమాక్స్ లో ఉదయం 9గంటలకు పడాల్సిన షో క్యాన్సిల్ అయింది. తర్వాత 11. 45కి వేశారు. శివకార్తికేయన్ సినిమాపై ఉన్న ఇంట్రెస్ట్ తో ఈ సినిమా చూసిన వారికి షాక్ ఇచ్చాడు మహా వీరుడు.
అస్సలే మాత్రం బలంగా లేని కంటెంట్.. బలహీనమైన కథనంతో ఓ రేంజ్ లోబోర్ కొట్టించాడు. ముఖ్యంగా సెకండ్ హాఫ్‌ చూస్తుంటే ఎప్పుడెప్పుడు అయిపోతుందా అనిపిస్తుంది. కొందరైతే మధ్యలోనే పారిపోయారు కూడా.
ఓ పిరికివాడు.. తన భయాన్ని జయించి ఓ పెద్ద వ్యక్తిని ఢీ కొట్టడం అనే పాయింట్ తో వచ్చిందీ చిత్రం. ఇలాంటి సినిమాలు తెలుగులో ఎప్పుడో వచ్చాయి. రాజేంద్ర ప్రసాద్ లాంటి వారు హీరోలుగా చేస్తున్నప్పుడే ఇది మన దగ్గర అరిగిపోయిన రికార్డ్. అలాంటి సినిమా మళ్లీ చూడాలంటే ఈ తరానికి తగ్గట్టుగా ఓ కొత్తదనం ఉండాలి. బట్ ఈ మహా వీరుడులో అలాంటి కొత్తదనం ఏం కనిపించలేదు. దీంతో చూసిన వారంతా ముక్త కంఠంతో మహా వీరుడు కాదు.. మహా బోరుడు.. అంటున్నారు.
