తెలుగు రాష్ట్రాల్లో రాజకీయం ఇప్పుడు మరింత వేడెక్కింది. ఇలాంటి తరుణంలో థియేటర్లలోకి రాబోతున్న అసలు సిసలు పొలిటికల్ థ్రిల్లర్ ‘ప్రతినిధి 2’. ఇప్పటికే మంచి విజయాన్ని సాధించిన ‘ప్రతినిధి’ చిత్రానికి సీక్వెల్ గా ఈ సినిమా రూపొందుతోంది. విలక్షణమైన పాత్రలతో హీరోగా మంచి గుర్తింపు సంపాదించుకున్న నారా రోహిత్ నటించిన ఈ చిత్రానికి ప్రముఖ జర్నలిస్ట్ మూర్తి దర్శకత్వం వహించడం విశేషం.
పాలనలో అవినీతిని ప్రశ్నించే ఒక జర్నలిస్ట్ పాత్రలో నారా రోహిత్ కనిపించబోతున్నాడు. ప్రస్తుత రాజకీయాలకు అద్దం పట్టే రీతిలో ఎన్నో అంశాలను ఈ సినిమాలో చూపించబోతున్నారట దర్శకుడు మూర్తి. ఏప్రిల్ 25న ‘ప్రతినిధి 2’ వరల్డ్ వైడ్ గా గ్రాండ్ రిలీజ్ కు రెడీ అవుతోంది. ప్రపంచవ్యాప్తంగా ఈ చిత్రం థియేట్రికల్ రైట్స్ ను అమోఘ ఎంటర్ టైన్ మెంట్స్ దక్కించుకుంది.
