తెలుగులో ఇంకా తొలి సినిమా విడుదలకాకుండానే.. వరుస ఆఫర్లను కొల్లగొడుతోంది పూణె బ్యూటీ భాగ్యశ్రీ బోర్సే. అంతకుముందు బాలీవుడ్ లో ‘యారియానా 2‘లో మెరిసిన భాగ్యశ్రీని.. ఏరికోరి ‘మిస్టర్ బచ్చన్‘ కోసం ఎంచుకున్నాడు డైరెక్టర్ హరీష్ శంకర్. ఈ సినిమాలో మాస్ మహారాజ రవితేజకి జోడీగా తెలుగు ప్రేక్షకుల్ని పలకరించబోతుంది. ఇప్పటికే ఈ మూవీ నుంచి రిలీజైన ఫస్ట్ లుక్ పోస్టర్స్ లో తన నాభి అందాలతో కుర్రకారును కైపెక్కించింది భాగ్యశ్రీ.
‘మిస్టర్ బచ్చన్‘ చిత్రీకరణ దశలో ఉండగానే.. తెలుగులో మరో రెండు క్రేజీ ఆఫర్స్ తన కిట్టీలో వేసుకుందట ఈ బ్యూటీ. వాటిలో ఒకటి విజయ్ దేవరకొండ-గౌతమ్ తిన్ననూరి చిత్రం. సితార ఎంటర్ టైన్ మెంట్స్ నిర్మిస్తున్న ఈ సినిమాలో తొలుత శ్రీలీల ను హీరోయిన్ గా తీసుకున్నారు. అయితే.. ఇప్పుడు శ్రీలీల ఈ ప్రాజెక్ట్ నుంచి తప్పుకుందట. ఆ స్థానంలో ‘ప్రేమలు‘ భామ మమిత బైజు నటించనుందనే ప్రచారం జరిగినా.. చివరకు ఆ పాత్ర భాగ్యశ్రీ చెంతకు చేరిందనేది లేటెస్ట్ ఫిల్మ్ నగర్ టాక్.
విజయ్ దేవరకొండతో పాటు.. నేచురల్ స్టార్ నాని సినిమాలోనూ ఛాన్స్ దక్కించుకుందట భాగ్యశ్రీ బోర్సే. డి.వి.వి. ఎంటర్ టైన్ మెంట్స్ లో నాని హీరోగా సుజీత్ ఒక సినిమా చేయబోతున్నాడు. ఈ చిత్రంలో నానికి జోడీగా భాగ్యశ్రీని ఎంపికయ్యిందట. త్వరలోనే.. విజయ్ దేవరకొండ, నాని చిత్రాల్లో నాయికగా భాగ్యశ్రీని అధికారికంగా ప్రకటించనున్నట్టు తెలుస్తోంది.
