మహేష్ బాబు – త్రివిక్రమ్ కాంబోలో వస్తోన్న సినిమా టైటిల్ పవర్ ఫుల్ గానే ఉన్నా.. ఫ్యాన్స్ లో మాత్రం పోలికలు వస్తున్నాయి. ఈ టైటిల్ సొంతంగా పెట్టినట్టు లేదు అంటున్నారు. గుంటూరు కారం అని లేదు కానీ.. గతంలో మంచు మనోజ్ గుంటూరోడు అనే టైటిల్ తో ఓ సినిమా చేశాడు. అది కూడా గుంటూర్ మిర్చి యార్డ్ నేపథ్యంలో సాగే కథే.
ఈ మహేష్ బాబు గ్లింప్స్ చూసిన తర్వాత ఇదీ మిర్చి యార్డ్ బ్యాక్ డ్రాప్ స్టోరీనే అనిపిస్తోంది. అంటే రెండు కథలకు పోలిక ఉండకపోవచ్చు కానీ టైటిల్ తో పాటు నేపథ్యాలుచాలా దగ్గరగా ఉన్నాయి. ఇక ఈ చిత్రానికి పెట్టిన క్యాప్షన్ కూడా ఆల్రెడీ ఎన్టీఆర్ చిత్రానికి వాడిందే.
గతంలో ఎన్టీఆర్ – కృష్ణవంశీ కాంబినేషన్ లో వచ్చిన హై ఓల్టేజ్ యాక్షన్ ఎంటర్టైనర్ ‘రాఖీ’ మూవీ క్యాప్షన్ ఇదే. ‘రాఖి’ హైలీ ఇన్ ఫ్లామబుల్ అనే క్యాప్షన్ ఉంటుంది. ఆ చిత్రంలో ఎన్టీఆర్ పెట్రోల్ ప్యాకేట్స్ తో విలన్స్ ను తగులబెడుతుంటాడు కాబట్టి క్యాప్షన్ కరెక్ట్ గా కుదిరింది. ఇటు చూస్తే గుంటూరు ఘాటుకు ఈ భారీ విస్ఫోటనానికి సంబంధం ఏం ఉంటుందనేది ఆసక్తిగా మారింది. మొత్తంగా త్రివిక్రమ్ శ్రీనివాస్ మరోసారి పాత విషయాలను గుర్తుకు తెచ్చేలానే కొత్త సినిమాతో వస్తున్నాడని అర్థం అవుతోంది.
