కళ్యాణ్‌రామ్ ‘బింబిసార’ ప్రీక్వెల్ అనౌన్స్‌మెంట్

డెబ్యూ డైరెక్టర్స్ తో వండర్స్ క్రియేట్ చేయడం అంటే మామూలు విషయం కాదు. కళ్యాణ్ రామ్ విషయంలో ఇది చాలా సార్లు ప్రూవ్ అయ్యింది. అయితే.. కళ్యాణ్ రామ్ ద్వారా దర్శకులుగా పరిచయమైన వాళ్లు.. మళ్లీ కళ్యాణ్ రామ్ తో సినిమాలు చేయడానికి మాత్రం అందుబాటులో ఉండడం లేదు. లేటెస్ట్ గా ‘బింబిసార 2’ విషయంలో ఇదే జరుగుతుంది.

సురేందర్ రెడ్డి, అనిల్ రావిపూడి ల తర్వాత కళ్యాణ్ రామ్ కాంపౌండ్ నుంచి వచ్చిన మరో దర్శకుడు మల్లిడి వశిష్ట. కళ్యాణ్ రామ్ తో వశిష్ట చేసిన ‘బింబిసార’ బ్లాక్ బస్టర్ విజయాన్ని సాధించింది. టైమ్ ట్రావెల్ బ్యాక్ డ్రాప్ లో.. గతానికి వర్తమానంతో లింక్ పెడుతూ రూపొందిన ‘బింబిసార’ బాక్సాఫీస్ వద్ద వండర్స్ క్రియేట్ చేసింది. ఈ సినిమా ఘన విజయం సాధించిన వెంటనే ‘బింబిసార 2’ ఉంటుందని ప్రకటించాడు హీరో కమ్ ప్రొడ్యూసర్ కళ్యాణ్ రామ్.

లేటెస్ట్ గా కళ్యాణ్ రామ్ బర్త్ డే స్పెషల్ గా ‘బింబిసార 2’ అనౌన్స్ అయ్యింది. అయితే.. ఈ చిత్రం ‘బింబిసార’కి సీక్వెల్ కాదు ప్రీక్వెల్. ఈసారి వశిష్ట బదులు దర్శకుడిగా అనిల్ పాడూరి ఎంపికయ్యాడు. పూరి జగన్నాథ్ శిష్యుడైన అనిల్ పాడూరి ‘రొమాంటిక్’ చిత్రంతో దర్శకుడిగా పరిచయమయ్యాడు. నందమూరి కళ్యాణ్ రామ్ 22వ చిత్రంగా ‘బింబిసార’ ప్రీక్వెల్ తెరకెక్కనుంది. ఆద్యంతం త్రిగర్తల సామ్రాజ్యం నేపథ్యంలో రూపొందే ఈ మూవీ ఫస్ట్ లుక్ ఆకట్టుకుంటుంది.