‘డెవిల్’ రిలీజ్ డేట్ ఫిక్సైందా..?

నందమూరి కళ్యాణ్ రామ్ హీరోగా రూపొందుతున్న పాన్ ఇండియన్ సినిమా ‘డెవిల్‘. ఈ మూవీ రిలీజ్ డేట్ ని మేకర్స్ లాక్ చేసినట్టు ఓ లేటెస్ట్ న్యూస్ సోషల్ మీడియాలో చక్కర్లు కొడుతోంది. ‘బింబిసార’ తో కళ్యాణ్ రామ్ భారీ హిట్ ని అందుకున్నాడు. మూస ధోరణిలో కాకుండా కథ మీద బాగా కసరత్తు చేసి ఒక్కో సినిమాను చాలా ప్లాండ్ గా చేస్తూ వస్తున్నాడు. ఈ క్రమంలోనే భారీ బడ్జెట్ తో తెరకెక్కుతున్న ‘డెవిల్’ సినిమా చేస్తున్నాడు. ఈ సినిమాలో కళ్యాణ్ రామ్ సరసన సంయుక మీనన్ హీరోయిన్ గా నటిస్తుంది. అభిషేక్ పిక్చర్స్ పతాకంపై నిర్మితమవుతోంది.

కాగా, ఈ డిసెంబర్ 29న ‘డెవిల్’ చిత్రాన్ని రిలీజ్ చేసేందుకు మేకర్స్ రెడీ అవుతున్నారట. డిసెంబర్ మొదటు వారం (07.12.23) నాని ‘హాయ్ నాన్న’, (22.12.23) న ప్రభాస్ ‘సలార్’ చిత్రాలు రిలీజ్ కానున్న నేపథ్యంలో డిసెంబర్ చివరి వారం ‘డెవిల్’ ని రిలీజ్ చేసేలా సన్నాహాలు జరుగుతున్నాయట. జనవరి నెలలో సంక్రాంతి కి బాక్సాఫీస్ వద్ద ఈసారి భారీ పోటీ నెలకొనబోతుంది. అందుకే, ఇంకా ముందే ‘డెవిల్’ ని రిలీజ్ చేయాలని మేకర్స్ భావిస్తున్నారట. త్వరలోనే దీనికి సంబంధించిన అధికారిక ప్రకటన వెలువడనున్నట్టు తెలుస్తోంది.