టాలీవుడ్ లోని ప్రెస్టేజియస్ ప్రొడక్షన్ హౌసెస్ లో గీతా ఆర్ట్స్ ఒకటి. 50 ఏళ్లకు పైగా సుధీర్ఘ ప్రస్థానం ఉన్న గీతా ఆర్ట్స్ లో నటించాలని ఎంతోమంది హీరోలు కలలు కంటారు. ఇప్పుడు ఆ అవకాశం యంగ్ హీరో శ్రీ విష్ణుని వరించింది. ఈరోజు (ఫిబ్రవరి 29) శ్రీ విష్ణు పుట్టినరోజు సందర్భంగా.. గీతా ఆర్ట్స్ సంస్థ శ్రీవిష్ణుతో సినిమాని అనౌన్స్ చేసింది. శ్రీవిష్ణు 18వ చిత్రంగా రూపొందే ఈ చిత్రానికి SV18 అనేది వర్కింగ్ టైటిల్. గీతా ఆర్ట్స్ తో కలిసి కళ్యా ఫిల్మ్స్ ఈ చిత్రాన్ని నిర్మించబోతుంది. అల్లు అరవింద్ సమర్పణలో విద్యా కొప్పినీడి, భాను ప్రతాప, రియాజ్ చౌదరి ఈ సినిమాని నిర్మిస్తున్నారు. ఈ మూవీకి కార్తీక్ రాజు డైరెక్టర్. త్వరలోనే.. ఈ మూవీకి సంబంధించి ఇతర కాస్టింగ్ అండ్ క్రూ డిటెయిల్స్ తెలియనున్నాయి.
