స్టార్ హీరో వస్తున్నాడు అంటే అతని తర్వాత కనిపించే నటులంతా హడలిపోవడం ఇప్పుడు చూస్తున్నాం. లేదంటే అతి వినయం ప్రదర్శిస్తుంటారు. ఇంక రెమ్యూనరేషన్స్ లో అయితే హీరోలకు దరిదాపుల్లో కూడా ఎవరూ ఉండరు. ఆ రేంజ్ లో ఉంది ఇప్పుడు పరిస్థితి. బట్ ఒకప్పుడు హీరోల పరిస్థితి అది కాదు. వాళ్ల రెమ్యూనరేషన్ కు దగ్గరగానే ఇతర ఆర్టిస్టుల రెమ్యూనరేషన్స్ ఉండేవి. కానీ ఎట్టిపరిస్థితుల్లోనూ సమానంగా మాత్రం ఉండవు. కనీసం ఓ నాలుగైదు వేలైనా తేడాగా ఉండేది.
బట్ కొందరికి మాత్రం ఇది మినహాయింపు. అప్పట్లో స్టార్ హీరో అంటే ఎన్టీఆర్ కదా. ఆ తర్వాత అక్కినేని నాగేశ్వరరావు ఉన్నారు. అయితే ఈ ఇద్దరికీ సమాన పారితోషికమే ఇచ్చేవారు నిర్మాతలు. ఎవరినీ తక్కువ లేదా ఎక్కువ చేయడం చాలాకాలం పాటు జరగలేదు. అయితే వీరికి సమానంగా రెమ్యూనరేషన్ తీసుకున్న ఏకైక స్టార్ మరొకరు ఉన్నారు. అతను హీరో కాదు. కమెడియన్. అతనే రాజబాబు. రాజబాబు తెరపై కనిపించగానే కళ్లంతా పెద్దవి చేసుకుని తెలియకుండానే నవ్వేసుకుంటాం. ఒక టిపికల్ బాడీ లాంగ్వేజ్, మేనరిజంతో ఆంధ్రా చాప్లిన్ అనిపించుకున్నాడు రాజబాబు.
ఆ రోజుల్లో దర్శకులు, నిర్మాతలు ముందు రాజబాబు డేట్స్ బుక్ చేసుకున్న తర్వాతే హీరో అయినా హీరోయిన్ అయినా అనుకునేవారు. అంతే కాదు.. డిస్ట్రిబ్యూటర్స్ కూడా ముందు రాజబాబు ఉంటేనే నిర్మాతకు అడ్వాన్స్ లు ఇచ్చేవారు. ఆ రేంజ్ డిమాండ్ ఉండేది మన తెలుగు చాప్లిన్ కు. ఓ సారి ఎన్టీఆర్ నటించే సినిమాకు రాజబాబును బుక్ చేశాడో నిర్మాత. ఈయన తన రెమ్యూనరేషన్ 35వేలు అని చెప్పాడట. ఆ రెమ్యూనరేషన్ పెద్దాయన ఎన్టీఆర్ కే ఇస్తున్నాం.. నీకు అంత ఇవ్వను అన్నాడట. నిర్మాత. అయితే నేను చేయను అన్నాడు రాజబాబు. దీంతో నిర్మాతకు కాస్త కోపం వచ్చి హీరో, నువ్వూ సమానమేనా అన్నాట్ట. దీనికి మరి హీరోతోనే కామెడీ చేయించుకో.. నేను మాత్రం తగ్గను అనేశాడు రాజబాబు.
చివరికి చేసేదేం లేక రాజబాబు డిమాండ్ కు ఆ నిర్మాత తలొంచాడు. అయితే ఇతన్లాంటి వాళ్లు చాలా కొద్దిమంది మాత్రమే ఉండేవారు. మిగతా అంతా అతనెంత అడిగితే అంతే డిస్కషన్ లేకుండా ఇచ్చేసేవారు.
అయితే రాజబాబు వ్యక్తిగా మహా మంచివాడు. తను అంత డబ్బు తీసుకున్నాడు కాబట్టి డబ్బు పిచ్చోడు అనుకోవడానికి లేదు. ఎందుకంటే ఆయన రాజమండ్రిలో కొంతమంది పేదలు ఇల్లు కట్టుకోవడానికి తన సొంత భూమిని ఉచితంగా ఇచ్చాడు. అలాగే ఓ కాలేజ్ కూడా కట్టించాడు. కొన్ని సినిమాలు నిర్మించడం వల్ల చివర్లో ఇబ్బంది పడ్డాడు. కానీ హాస్య నటుడుగా రాజబాబు స్థానం ఇప్పటి వరకూ ఎవరూ భర్తీ చేయలేదు. చేయలేరు అని కూడా చెప్పొచ్చు.
తెలుగులో ఎక్కువ కాలంపాటు సక్సెస్ ఫుల్ గా కెరీర్ కొనసాగించిన హీరోయిన్స్ లో సమంత ముందు వరుసలో నిలుస్తుంది. టాలీవుడ్,…
Once upon a time cinema halls were the only means of entertainment. Films that were…
ఒకప్పుడైతే సినిమా హాళ్లు మాత్రమే వినోద సాధనాలుగా ఉండేవి. భారీ విజయాలు సాధించిన చిత్రాలను మళ్లీ రీ-రిలీజులు చేసేవారు. కొన్ని…
Support for Janasena chief Pawan Kalyan is increasing from the film industry. Many big screen…
జనసేన అధినేత పవన్ కళ్యాణ్ కి సినీ పరిశ్రమ నుంచి మద్దతు పెరుగుతోంది. ఇప్పటికే పవన్ కోసం పిఠాపురంలో ప్రత్యక్షంగా…