పది పేజీల సన్నివేశం చెప్పలేని భావాన్ని ఒక్క పేజ్ లో ఉండే పాట చెబుతుంది. కథను నడిపించే పాటలైతే.. ప్రేక్షకులను ఆ సన్నివేశాలతో పాటు తీసుకువెళతాయి. ఇక అవి ప్రేమ పాటలైతే వెండితెరను దాటి మనసు పొరలను కదిలిస్తాయి. హృదయాన్ని మీటి పరవశాన్ని కలిగిస్తాయి. మనసులోతుల్లోని ఎన్నో జ్ఞాపకాలను తట్టిలేపుతాయి. తొలి ప్రేమ తాలూకూ భావనలను మరోసారి ఉప్పొంగేలా చేస్తాయి. అందుకే ఇలాంటి పాటలు టీనేజ్ నుంచి ఓల్డేజ్ వారి వరకూ కట్టిపడేస్తాయి. ప్రేమలోని తీయదనాన్ని చూడని వారు ఉండరు కదా..? ఈ కారణంగానే బేబీ చిత్రంలోని ఓ రెండు ప్రేమ మేఘాలిలా అనే పాట.. విన్నవారందరినీ జ్ఞాపకాల మేఘాలపై తేలియాడేలా చేస్తోంది. ఒక్కసారి కాదు.. రిపీట్ మోడ్ లో పెట్టి అలా వింటూనే ఉండిపోవాలి అనిపించేలా ఉంది.
‘‘ఇద్దరిది ఒకే ప్రయాణంగా.. ఇద్దరిది ఒకే ప్రపంచంగా.. ఆ ఇద్దరి ఊపిరి ఒకటయింది.. మెల్లగా, మెల్లగా … ఓ రెండు ప్రేమ మేఘాలిలా దూకాయి వానలాగా… ఆ వాన వాలు ఏ వైపుకో తేల్చేది కాలమేగా..’’ అంటూ తొలి యవ్వన ప్రాయపు హృదయ సవ్వడికి అనుగుణంగా.. సందర్భానికి తగ్గట్టుగా అనంతశ్రీరామ్ రాసిన అందమైన ఈ సాహిత్యం విన్నా కొద్దీ వినాలపిస్తూనే ఉంది.
విజయ్ బుల్గానిన్ స్వరపరచగా.. ఆ ట్యూన్ నేరుగా మనస్సుల్లోకే చొచ్చుకపోయేలా సింగర్ శ్రీరామ్ చంద్ర అద్భుతంగా పాడాడు. అతనికి తోడు చిన్న పిల్లల కోరస్ గురించి ఎంత చెప్పినా తక్కువే అనేలా ఉందంటే అతిశయోక్తి కాదు.
ఇలాంటి పాటలు అరుదుగా వస్తాయి. అవి ఆ సినిమా కథలను చెబుతూన మర్చిపోయిన మన ప్రేమకథలనూ గుర్తు చేస్తాయి. కాసేపు ఆ జ్ఞాపకాల జడిలో తడిసిపోతే తప్ప మళ్లీ మనసు తేలిక కాదు. అలా కావాలంటే మళ్లీ మళ్లీ ఈ పాటను వింటూనే ఉండాలేమో..
Manchu Vishnu is producing the mega project 'Kannappa'. This film is being made with a…
Vikram's son Dhruv is getting ready with a crazy movie. Dhruv made his debut as…
Apart from one or two films this summer, there have been no films that have…
మలయాళీ బ్యూటీ అనుపమ పరమేశ్వరన్ ఫుల్ ఫామ్ లోకి వచ్చేసింది. 'టిల్లు స్క్వేర్'లో లిల్లీగా గ్లామరస్ పెర్ఫామెన్స్ తో అదరగొట్టింది.…
Sithara Entertainments, which started as a subsidiary of Haarika and Hassine, is now one of…
ఈతరం యువ కథానాయకుల్లో రెండుసార్లు ఉత్తమ నటుడిగా జాతీయ అవార్డు అందుకున్న ఏకైక నటుడు ధనుష్. కేవలం కథానాయకుడుగానే కాకుండా…