సినీ కార్మికుల కోసం హాస్పిటల్ ని నిర్మించనున్న మెగాస్టార్

మెగాస్టార్‌ చిరంజీవి తన తండ్రి పేరు మీద ఆసుపత్రిని నిర్మించనున్నట్టు తెలిపారు. హైదరాబాద్‌ చిత్రపురి కాలనీలో ఈ ఆసుపత్రిని నిర్మిస్తానని, ఆసుపత్రి నిర్మాణానికి ఎంత ఖర్చయినా భరిస్తానని అన్నారు. తాను చేసే పనులకు పెద్దగా ప్రచారం అవసరం లేదని అయితే.. దీనికి సంబంధించిన సమాచారాన్ని మాత్రం కచ్చితంగా ఇవ్వాలని.. పది మందికి తెలిస్తే, వాళ్లు కూడా స్ఫూర్తి పొందుతారని, వాళ్లు కూడా మంచి పనులు చేస్తారని చెప్పారు. సినీ క్రికెటర్లు సెప్టెంర్‌ 24 నుంచి అమెరికాలోని డల్లాస్‌లో క్రికెట్‌ టోర్నీ ఆడనున్నారు. దీనికి సంబంధించిన జెర్సీని చిరంజీవి లాంచ్‌ చేశారు. ఈ సందర్భంగా శ్రీకాంత్‌ మాట్లాడుతూ.. డల్లాస్‌ ట్రోఫీ ద్వారా వచ్చే కొంత మొత్తాన్ని చిరంజీవి ఛారిటబుల్‌ ట్రస్ట్‌కు ఇస్తామని చెప్పారు. మ్యూజిక్‌ డైరెక్టర్‌ తమన్‌ మాట్లాడుతూ… తన వంతుగా మ్యూజిక్‌ ప్రోగ్రాం నిర్వహించి ఆసుపత్రి నిర్మాణం కోసం ఆ డబ్బును ఇస్తానని తెలిపారు.