నటిగా గొప్ప తృప్తిని ఇచ్చిన చిత్రం ‘ఒకే ఒక జీవితం’ : అమల అక్కినేని ఇంటర్వ్యూ

యంగ్ అండ్ వెర్సటైల్ హీరో శర్వానంద్ 30వ సినిమాగా ప్రేక్షకుల ముందుకు వచ్చిన చిత్రం ఒకే ఒక జీవితం. నూతన దర్శకుడు శ్రీ కార్తీక్ ఈ చిత్రానికి దర్శకత్వం వహించారు. అమల అక్కినేని, రీతూ వర్మ, ప్రియదర్శి, వెన్నెల కిషోర్ కీలక పాత్రలు పోషించారు. విభిన్నమైన కథాంశాలతో ప్రేక్షకులని అలరించే ప్రముఖ నిర్మాణ సంస్థ డ్రీమ్‌ వారియర్‌ పిక్చర్స్‌ ఈ చిత్రంతో తెలుగులో అడుగుపెట్టింది. ఎస్ఆర్ ప్రకాష్ బాబు, ఎస్ఆర్ ప్రభు నిర్మించిన ఈ సినిమా సెప్టెంబర్ 9న థియేటర్లలో విడుదలై బ్లాక్ బస్టర్ విజయాన్ని అందుకుంది. ఈ నేపధ్యంలో అమల అక్కినేని విలేఖరుల సమవేశంలో పాల్గొని సినిమా సక్సెస్ విశేషాలు పంచుకున్నారు.

‘ఒకే ఒక జీవితం’ చూసిన తర్వాత ఎమోషనల్ మదర్ పాత్రలకు మీరే కరెక్ట్ ఛాయిస్ అంటున్నారు.. భవిష్యత్ లో ఇలాంటి పాత్రలు చేస్తారా ?
ఒక నటిగా ప్రేక్షకులకు నచ్చడం కంటే గొప్ప విషయం ఏముటుంది. ప్రేక్షకులకు నచ్చే పాత్రలు చేయడానికి నేను ఎప్పుడూ సిద్ధంగా వుంటాను. అయితే ఇలాంటి పాత్రలు చేయడం సవాల్ తో కూడుకున్నది.

లైఫ్ ఈజ్ బ్యూటీఫుల్ తర్వాత విరామం రావాడానికి కారణం ?
లైఫ్ ఈజ్ బ్యూటీఫుల్ తర్వాత రెండు మలయాళం, మూడు హిందీ సినిమాలు, ఒక వెబ్ సిరిస్ చేశాను. ప్రతి భాషలో ప్రాజెక్ట్స్ చేస్తున్నాను. కానీ తెలుగులో లైఫ్ ఈజ్ బ్యూటీఫుల్ తర్వాత ఇదే. అయితే గత ఐదేళ్ళుగా అన్నపూర్ణ ఫిల్మ్ అండ్ మీడియా నేనే చూసుకుంటున్నాను. వందలమంది విద్యార్ధుల భవిష్యత్ భాద్యత నాపై వుంది. ఈ భాద్యతని పక్కని పెట్టి నటనలో బిజీగా వుండటం కష్టం. అయితే నా మనసుకు హత్తుకునే కథ విన్నపుడు, ఆ పాత్రకి నేను కరెక్ట్ అనిపిస్తే మాత్రం తప్పకుండా చేస్తాను. ఒకే ఒక జీవితం అలా మనసుకు నచ్చిన కథే. ఒక నిజాయితీతో తీసిన సినిమా ప్రేక్షకులకు ఎప్పుడూ నచ్చుతుంది. ఒకే ఒక జీవితం మరోసారి దాన్ని రుజువుచేసింది.

సినిమా చూసిన తర్వాత నాగార్జున గారు ఎమోషనల్ మాట్లాడటం ఎలా అనిపించింది ?
‘ఒకే ఒక జీవితం’ హృదయాన్ని హత్తుకునే సినిమా అని నాగార్జున గారిని ముందే ప్రిపేర్ చేశాను. ఈ సినిమా చూశాక హార్ట్ ఓపెన్ అవుతుందని చెప్పాను. నాగార్జున గారికి వారి అమ్మగారు అన్నపూర్ణమ్మ గారు గుర్తుకు వచ్చారు. నిజంగా అది గ్రేట్ ఫీలింగ్. ఈ సినిమా చూసిన ప్రతిఒక్కరికి వారి మనసులకు దగ్గరరైనవారు గుర్తుకు వస్తారు. ‘ఒకే ఒక జీవితం’లోని బ్యూటీ అదే.

టైం మిషన్ లో వెళ్ళే అవకాశం వస్తే ఏ టైంలోకి వెళ్తారు ?
పదేళ్ళు భవిష్యత్ లోకి వెళ్తాను(నవ్వుతూ). ఇప్పుడు చాలా పనులు చేస్తున్నాం. ఆ పనులు ఎలాంటి ఫలితాన్ని ఇచ్చాయో చూడాలని వుంది. అవి విజయాన్ని సాధించాయో లేదో తెలుసుకోవాలని వుంది(నవ్వుతూ)

విధి, కాలంని నిజ జీవితంలో ఎలా నిర్వచిస్తారు, విధితో సంబంధం లేకుండా మనిషి తన జీవితాన్ని గెలుచుకోగలడా ?
జీవితంలో ప్రతి అవకాశం కోసం ప్రయత్నిస్తాం. ఒక ప్రయత్నంలో విజయం, మరో ప్రయత్నంలో అపజయం వుంటుంది. అపజయం, జయం కోసం మనల్ని సిద్ధం చేస్తోంది. జీవితంలో జయానికి అపజయానికి సమానమైన ప్రాధాన్య ఉంటుందని భావిస్తాను. అపజయం చాలా విషయాల్ని నేర్పిస్తుంది. లైఫ్ టైం ని ఒక రిహార్సల్ గా భావిస్తే సరైన సమయం వస్తుందని నా ఆలోచన. ఇలాంటి ఒక సక్సెస్ రావడానికి నేను చాలా ప్రయత్నాలు చేసివుంటాను. కొన్ని ప్రయత్నాలు విజయాన్ని ఇవ్వలేకపోవచ్చు. కానీ ఆ అనుభవాలన్నీ విజయానికి బాటలు వేస్తాయని భావిస్తాను.

తెరపై మీ పాత్ర చుసుకున్నపుడు మీ అమ్మగారి వున్న జ్ఞాపకాలు గుర్తుకు వచ్చాయా ?
ఈ సినిమా చూసి మా అమ్మగారు నన్ను చాలా గట్టిగా కౌగలించుకుకొని ‘ఐ యామ్ సో ప్రౌడ్  అఫ్ యూ’ అన్నారు. ఇది ఎప్పటికీ మర్చిపోలేను. నాగార్జునతో పాటు అఖిల్ , మా కుటుంబ సభ్యులందరూ ఈ చిత్రానికి చాలా డీప్ గా కనెక్ట్ అయ్యారు. నన్ను చూడకుండా కేవలం కథ, పాత్రలతో ప్రయాణం చేశారు.గొప్ప తృప్తిని, హాయిని ఇచ్చిన సినిమా ‘ఒకే ఒక జీవితం.

బ్లూ క్రాస్ పనులు చూసుకోవడానికి సమయం కుదురుతుందా ?
బ్లూ క్రాస్ అఫ్ హైదరాబాద్ కి ప్రపంచ స్థాయి గుర్తింపు రావడం ఆనందంగా వుంది. మంచి వైద్యులు, మ్యానేజ్మెంట్, సిబ్బంది వుంది. బ్లూ క్రాస్  గొప్ప స్థాయికి వచ్చింది. నేను వున్నా లేకపోయినాకూడా అద్భుతమైన సేవలు అందిస్తుంది. అయితే నా తరపునుండి ప్రతి శనివారం స్వచ్చందంగా వెళ్లి పని చేస్తాను.

ఇంట్లో సినిమాలు గురించి మాట్లాడుతుంటారా ?
నాగార్జున, చైతు, అఖిల్ వాళ్ళ ప్రాజెక్ట్స్ ప్లానింగ్స్ గురించి మాట్లాడుతుంటారు. నేను వింటాను. అయితే ఫిల్మ్ స్కూల్ లో ఎక్కువగా సినిమాలు గురించి చర్చిస్తుంటాం. విద్యార్ధులతో కలసి సినిమా గురించి లోతైన విశ్లేషణలు ఫిల్మ్ స్కూల్ లోనే ఎక్కువగా జరుపుతుంటాం.

నాగార్జున గారితో మీరు కలసి నటించే అవకాశం వస్తే చేస్తారా ?
ఇంట్లో ఎప్పుడూ కలిసే వుంటాం. మళ్ళీ స్క్రీన్ పై వద్దండీ.( నవ్వుతూ). ఇటివల ఆయన నటించిన బ్రహ్మాస్త్ర  చూశాను. నాకు చాలా నచ్చింది. నాగార్జున గారి ప్రజన్స్ కొంత సమయమే అయినా చాలా ఇంపాక్ట్ క్రియేట్ చేసింది. ముంబాయి నుండి కూడా చాలా మంచి రెస్పాన్స్ రావడం ఆనందంగా వుంది.

ఆల్ ది బెస్ట్
థాంక్స్

Telugu 70mm

Recent Posts

Vikram As The Hero In ‘Veera Dheera Sooran Part-2’

No matter how many heroes we have, there are only a few who have reached…

16 hours ago

Movie Celebrities Who Will Exercise Their Right To Vote Tomorrow

Elections are going to be held in two Telugu states tomorrow (May 13). While elections…

16 hours ago

‘Double Ismart’ Teaser Release Date Fixed

Most Awaiting Movie 'Double Ismart' Starring Energetic Star Ram. This movie is being made as…

16 hours ago

విక్రమ్ హీరోగా ‘వీర ధీర సూరన్.. పార్ట్-2‘

మనకు ఎంతమంది హీరోలున్నా.. నటనలో ఉన్నత శిఖరాలు అధిరోహించిన వారు అతికొద్దిమంది మాత్రమే ఉంటారు. అలాంటి వారిలో కోలీవుడ్ స్టార్…

16 hours ago

రేపు ఓటు హక్కు వినియోగించుకోనున్న సినిమా సెలబ్రటీస్

రేపు (మే 13న) రెండు తెలుగు రాష్ట్రాలలో ఎన్నికలు జరగబోతున్నాయి. ఆంధ్రప్రదేశ్ లో అసెంబ్లీ, పార్లమెంటుకి ఎన్నికలు జరుగుతుండగా.. తెలంగాణలో…

16 hours ago

‘డబుల్ ఇస్మార్ట్‘ టీజర్ రిలీజ్ డేట్ ఫిక్స్

ఎనర్జిటిక్ స్టార్ రామ్ నటిస్తున్న మోస్ట్ అవైటింగ్ మూవీ ‘డబుల్ ఇస్మార్ట్‘. ఇప్పటికే సూపర్ డూపర్ హిట్టైన ‘ఇస్మార్ట్ శంకర్‘కి…

20 hours ago