తమిళ దళపతి విజయ్ మంచి సింగర్ కూడా. ఈమధ్య తన సినిమాల్లో వరుసగా పాటలు పాడుతున్నాడు. లేటెస్ట్ గా ‘ది గ్రేటెస్ట్ ఆఫ్ ఆల్ టైమ్’ కోసం మరోసారి తన గళం విప్పాడు. ఈ సినిమాలో యువన్ శంకర్ రాజా కంపోజ్ చేసిన ‘విజిల్ పోడు’ అంటూ సాగే హై ఎనర్జిటిక్ సాంగ్ ఆలపించాడు విజయ్. తమిళ న్యూ ఇయర్ స్పెషల్ గా రిలీజైన ఈ పాట విడుదలైన క్షణాల్లోనే ట్రెండింగ్ లోకి దూసుకెళ్లింది. ఈ పాటలో విజయ్ తో పాటు.. ప్రభుదేవా, ప్రశాంత్ కూడా సందడి చేస్తున్నారు.
వెంకట్ ప్రభు దర్శకత్వంలో రూపొందుతోన్న ఈ చిత్రంలో విజయ్ డ్యూయల్ రోల్ లో కనిపించబోతున్నాడు. ఈ సినిమాలో మోహన్, జయరామ్, స్నేహా, లైలా, అజ్మల్, మీనాక్షి చౌదరి, వైభవ్ వంటి వారు ఇతర కీలక పాత్రలు పోషిస్తున్నారు. ఎ.జి.ఎస్. ఎంటర్ టైన్ మెంట్ నిర్మిస్తున్న ‘ది గ్రేటెస్ట్ ఆఫ్ ఆల్ టైమ్’ సెప్టెంబర్ లో విడుదలకు ముస్తాబవుతోంది.
