ఆదిపురుష్‌.. హిందీలో ఖతమ్

ప్రభాస్ ఆదిపురుష్ పై ఎన్ని ట్రోలింగ్స్ వచ్చాయో చెప్పలేం. ఈ మధ్య కాలంలో ఇన్ని ట్రోలింగ్స్ ఫేస్ చేసిన సినిమా ఇదేనేమో. అప్పుడెప్పుడో వచ్చిన టీజర్ నుంచి మొదలయ్యాయి ఈ ట్రోలింగ్స్. దీంతో కొంత గ్యాప్ తీసుకుని మళ్లీ విజువల్ ఎఫెక్ట్స్, గ్రాఫిక్స్ ను రీ డిజైన్ చేశారు. ఇక కొత్త రిలీజ్ డేట్ వరకూ సినిమాపై అంచనాలు పెంచడంలో ఆదిపురుష్‌ టీమ్ సూపర్ సక్సెస్ అయింది. పైగా ప్రభాస్ నటించిన సినిమా కావడం వల్ల కూడా ఎక్స్ పెక్టేషన్స్ నెక్ట్స్ లెవల్ కు వెళ్లాయి.

ఇంక రామాయణం అన్నారు కాబట్టి హిందువులు కూడా ఆసక్తిగా ఎదురుచూశారు. ఈ కారణాలన్నిటితో మూవీకి అడ్వాన్స్ బుకింగ్స్ అదిరిపోయే రేంజ్ లో జరిగాయి. అవి సండే వరకూ అసలు ఖాళీ లేకుండా ఉన్నాయి. బట్ మూవీ విడుదలైన మొదటి ఆటకే తేలిపోయింది.

అయినా వీకెండ్ కావడంతో బాక్సాఫీస్ వద్ద స్ట్రాంగ్ గా ఉంది. మూడు రోజుల్లోనే 340 కోట్లు కలెక్ట్ చేసి రికార్డ్ క్రియేట్ చేసింది. బట్ సినిమా పై మళ్లీ ట్రోలింగ్స్ స్టార్ట్ అయ్యాయి. అసలు ఇది రామాయణం ఏంటీ అని జనం ఫీలవుతుంటే.. అవును మేం తీసింది రామాయణం కాదు అంటూ సదరు సినిమా రచయిత నిస్సిగ్గుగాచేసిన ప్రకటన ప్రేక్షకులకు మరింత ఆగ్రహాన్ని కలిగింది. ఇది ఆదిపురుష్ కలెక్షన్స్ పై బలమైన ప్రభావాన్ని చూపించింది.

ముఖ్యంగా నార్త్ బెల్ట్ లో.నిజానికి ఈ మూవీ ఉత్తరాది ప్రేక్షకులను టార్గెట్ చేసుకునే రూపొందించారు. అందుకే పేర్లన్నీ వాళ్లు పలికేవే పెట్టుకున్నారు. అలాంటి వారికే ఆదిపురుష్‌ నచ్చలేదు. అందుకే సోమవారం రోజు నార్త్ లో ఏకంగా 80శాతం కలెక్సన్స్ డ్రాప్ అయిపోయాయి. సోమవారం రోజు కేవలం 8 కోట్లు మాత్రమే కలెక్ట్ చేసింది ఈ మూవీ. ఇక ఈ మంగళవారం మరింత తగ్గుతాయి. సో.. ఇదే కంటిన్యూ అయతే ఈ మూవీ నార్త్ లో సక్సెస్ అనే మాట వినడం దాదాపు అసాధ్యం అనే చెప్పాలి. ఇంకా కొందరు నార్త్ ఆడియన్స్ అయితే ఆదిపురుష్‌ పని ఖతమ్ అనేస్తున్నారు. మరి నిజంగానే ఖతమవుతుందా లేక.. మళ్లీ పుంజుకుంటుందా అనేది చూడాలి.