కొన్ని కాంబినేషన్స్ భలే ఇంట్రెస్టింగ్ గా ఉంటాయి. అలాంటిదే ఈ కాంబినేషన్. గతంలో పాఠశాల అనే సినిమాతో మెప్పించిన దర్శకుడు మహి వి రాఘవ ఆ తర్వాత ఆనందో బ్రహ్మతో సూపర్ హిట్ అందుకున్నాడు. ఆ గుర్తింపుతో వెంటనే తన అభిమాన నాయకుడు అయిన వైఎస్ రాజశేఖర్ రెడ్డి లైఫ్ లోని ఓ ఇంపార్టెంట్ పార్ట్ ను రూపొందించాడు. రాజశేఖర్ రెడ్డి పాదయాత్ర నేపథ్యంలో వచ్చిన ఈ చిత్రానికి ”యాత్ర” అనే టైటిల్ నే పెట్టారు.
మమ్మూట్టి రాజశేఖర్ రెడ్డిగా నటించాడు. అనసూయ, సుహాసిని, జగపతిబాబు, రావు రమేష్‌ తదితరులు కీలక పాత్రలు పోషించిన ఈ చిత్రం మంచి విజయాన్నే సాధించింది. అయితే అప్పట్లోనే యాత్రకు సీక్వెల్ గా వైఎస్ జగన్ మోహన్ రెడ్డి పాదయాత్రను కూడా సినిమాగా తీస్తానని చెప్పాడు దర్శకుడు మహి వి రాఘవ.
ఆ చిత్రానికి సంబంధించిన అప్డేటే ఇది. ఈ చిత్రానికి ”యాత్ర 2″ అనే టైటిల్ ను ఆల్రెడీ ఫిక్స్ చేశారు.
తమిళ్ నటుడు అజ్మల్(రంగం ఫేమ్) జగన్ పాత్రలో నటిస్తాడు అనే ప్రచారం జరుగుతోంది. మరోవైపు తమిళ్ సూపర్ స్టార్ సూర్యను కూడా సంప్రదించారు అనే టాక్ ఆ మధ్య వినిపించింది. కానీ ఇంకా టైటిల్ రోల్ పోషించేది ఎవరు అనే క్లారిటీ ఇంకా రాలేదు.
మొత్తంగా ఈ చిత్రానికి సంబంధించిన కదలిక పెరిగింది. అందుకు కారణం ఈ మూవీని యూవీ క్రియేషన్స్ బ్యానర్ వారు నిర్మించబోతున్నారు అనే వార్తలు రావడమే. పైగా భారీ బడ్జెట్ తోనే ఈ చిత్రాన్ని రూపొందిస్తారు అనే ప్రచారం కూడా జరుగుతోంది. మరోవైపు వీలైనం త్వరగా సినిమాను పూర్తి చేసి 2024 ఎలెక్షన్స్ కు ముందే విడుదల చేసేలా ప్లాన్ చేస్తున్నారట. మరి ఈమూవీ ఖచ్చితంగా వైఎస్ఆర్సీపీకి ఎన్నికల్లో ప్లస్ అవుతుందని వేరే చెప్పక్కర్లేదు.
