ఈనెలలో రాబోతున్న క్రేజీ మూవీస్ లో ‘టిల్లు స్క్వేర్’ ఒకటి. సూపర్ హిట్ ‘డీజే టిల్లు’కి సీక్వెల్ గా స్టార్ బాయ్ సిద్ధు నటించిన చిత్రమిది. ఇప్పటికే సినిమా అంతా ఫినిష్ అయినా.. కొంచెం ప్యాచ్ వర్క్ బ్యాలెన్స్ ఉందట. ఆ వర్క్ ను కాకినాడ పోర్ట్ లో చిత్రీకరిస్తున్నారట. ఈ సీన్స్.. ‘టిల్లు స్క్వేర్’ క్లైమాక్స్ ఎపిసోడ్ కు సంబంధించిన మ్యాచింగ్ సన్నివేశాలు అని తెలుస్తోంది.
‘డీజే టిల్లు’ తరహాలోనే వినోదాత్మకంగా, టిల్లు శైలి సంభాషణలతో సీక్వెల్ కూడా సాగనుందని ఇప్పటికే విడుదలైన ప్రచార చిత్రాలతో అర్థమయ్యింది. ఈ సినిమాలో సిద్ధుకి దీటైన పాత్రలో అనుపమ పరమేశ్వరన్ కనిపించబోతుంది. ఇప్పటివరకూ పక్కింటి అమ్మాయి తరహా పాత్రల్లో మెరిసిన అనుపమ.. ఈ మూవీలో తన బోల్డ్ అవతార్ ని ఆవిష్కరించబోతుంది. సితార ఎంటర్ టైన్ మెంట్స్ నిర్మాణంలో రూపొందుతోన్న ‘టిల్లు స్క్వేర్’ మార్చి 29న థియేటర్లలోకి వస్తోంది.
