ఎన్టీఆర్ బావమరిది నార్నే నితిన్ హీరోగా తన సెకండ్ మూవీతో వచ్చేస్తున్నాడు. డెబ్యూ మూవీ ‘మ్యాడ్‘తో మంచి హిట్ అందుకున్న నితిన్.. ఇప్పుడు ప్రతిష్ఠాత్మక గీతా ఆర్ట్స్ కాంపౌండ్ లో తన రెండో చిత్రం చేస్తున్నాడు. ఈ సినిమాలో నితిన్ కి జోడీగా నయన్ సారిక నటిస్తుంది. గీతా ఆర్ట్స్ 2 బ్యానర్ పై అల్లు అరవింద్ సమర్పణలో బన్నీ వాసు, విద్యా కొప్పినీడి నిర్మిస్తున్న ఈ సినిమాకి అంజి కంచిపల్లి దర్శకుడు. లేటెస్ట్ గా ఈ మూవీకి ‘ఆయ్‘ అనే అచ్చమైన గోదావరి టైటిల్ ను ఖరారు చేశారు. ‘మేం ఫ్రెండ్సండి‘ అనేది ట్యాగ్ లైన్. ఈ మూవీ టైటిల్ అనౌన్స్ మెంట్ వీడియోని ఆసక్తికరంగా తీర్చిదిద్ది విడుదల చేసింది టీమ్. వేసవి కానుకగా ఈ చిత్రం ప్రేక్షకుల ముందుకు రాబోతుంది.
