‘సోగ్గాడే చిన్ని నాయనా, బంగార్రాజు‘ సినిమాలతో గడిచిన సంక్రాంతి సీజన్లలో సూపర్ హిట్స్ అందుకున్నాడు కింగ్ నాగార్జున. ఇప్పుడు మళ్లీ సంక్రాంతి కానుకగా ‘నా సామిరంగ‘ చిత్రాన్ని ప్రేక్షకుల ముందుకు తీసుకొస్తున్నాడు. ఇప్పటికే ఫస్ట్ గ్లింప్స్, సాంగ్ తో ఈ సినిమాపై మంచి బజ్ క్రియేట్ అయ్యింది. లేటెస్ట్ గా ఈ మూవీ టీజర్ రిలీజ్ చేసింది టీమ్. రొమాన్స్, యాక్షన్, ఫ్యామిలీ అన్ని అంశాలతో ‘నా సామిరంగ‘ చిత్రం రాబోయే సంక్రాంతికి అసలు సిసలు ఎంటర్ టైనర్ గా గా నిలవబోతున్నట్టు అర్థమవుతోంది.
ఈ సినిమాలో నాగార్జునకి జోడీగా ఆషిక రంగనాథ్ నటించింది. ఇతర కీలక పాత్రల్లో అల్లరి నరేష్, రాజ్ తరుణ్ కనిపించనున్నారు. శ్రీనివాసా సిల్వర్ స్క్రీన్ బ్యానర్ పై శ్రీనివాసా చిట్టూరి నిర్మిస్తున్న ఈ సినిమాకి విజయ్ బిన్ని డైరెక్టర్. ఆస్కార్ విజేత కీరవాణి సంగీతాన్ని సమకూరుస్తున్నాడు. నాగార్జున-కీరవాణి కాంబినేషన్ లో చాలా సంవత్సరాల తర్వాత రాబోతున్న సినిమా ఇది.
