సినిమా సినిమాకి వైవిధ్యభరితమైన కథలు ఎంచుకుంటూ ముందుకు సాగిపోతుంటాడు నాని. ఇక.. లేటెస్ట్ గా నాని నటించిన ‘హాయ్ నాన్న’ సినిమా పూర్తిస్థాయి ఎమోషనల్ డ్రామాగా అలరించబోతుంది. తండ్రీకూతుళ్ల అనుబంధం నేపథ్యంలో ఫీల్ గుడ్ రొమాంటిక్ ఎంటర్ టైనర్ గా ఈ చిత్రాన్ని శౌర్యువ్‌ తెరకెక్కించాడు. డిసెంబర్ 7న ప్రేక్షకుల ముందుకు రాబోతున్న ‘హాయ్ నాన్న’ ట్రైలర్ రిలీజయ్యింది.
ఫాదర్ అండ్ డాటర్ బ్యూటిఫుల్ బాండింగ్ తో ట్రైలర్ ప్రారంభమయ్యింది. తండ్రి ఎంత బాగా చూసుకున్నా.. అమ్మ లేని లోటు ఆ పాపను వెంటాడటం.. వాళ్ల మధ్యలోకి మృణాల్ ఎంటరవ్వడం.. నాని తో లవ్ లో పడటం.. ట్రైలర్ లో హైలైట్స్. ఇక.. నాని భార్య పాత్రలో శ్రుతి హాసన్ కేమియోలో కనిపించడం ఈ ట్రైలర్ కి కొసమెరుపు. ఇతర కీలక పాత్రల్లో జయరాం, ప్రియదర్శి అలరించబోతున్నారు. ఓవరాల్ గా మనసుని హత్తుకునే ఎమోషనల్ డ్రామాలా ‘హాయ్ నాన్న’ ఉండబోతున్నట్టు ట్రైలర్ ను బట్టి తెలుస్తోంది. మోహన్ చెరుకూరి, డా.విజయేందర్ రెడ్డి తీగల సంయుక్తంగా నిర్మిస్తున్న ఈ చిత్రానికి హేషమ్ అబ్దుల్ వాహబ్ సంగీతాన్ని సమకూరుస్తున్నాడు.
