యంగ్ టైగర్ ఎన్టీఆర్ – కొరటాల శివ కాంబినేషన్ లో రూపొందుతోన్న సినిమా దేవర షూటింగ్ ఫుల్ స్వింగ్ లో ఉంది. 2024 ఏప్రిల్ 5న విడుదల అనే టార్గెట్ గా షూటింగ్ స్టార్ట్ చేసుకున్న ఈ మూవీ ఆ టార్గెట్ ను ఛేదించేందుకు పక్కా ప్లానింగ్ తో ముందుకు వెళుతోంది.
ఫస్ట్ షెడ్యూల్ నే ఏ మాత్రం తేడా లేకుండా ముగించుకున్న ఈ మూవీ లేటెస్ట్ గా మరో భారీ షెడ్యూల్ ను పూర్త చేసుకుంది. ఇది ఈ మధ్య కాలంలో ఎన్టీఆర్ చేసిన అతి పెద్ద షెడ్యూల్స్ లో ఒకటి అని చెబుతున్నారు. అంటే అరవింద సమేత, ఆర్ఆర్ఆర్ కంటే కూడా పెద్ద షెడ్యూల్ అంటున్నారు. ఈ షెడ్యూల్ లోనేఓ భారీ యాక్షన్ సీన్ ను చిత్రీకరించారట.
శంషాబాద్ సమీపంలో వేసిన అతి పెద్ద సెట్ లో ఈ సీన్స్ షూట్ చేసినట్టు చెబుతున్నారు. ఈ సెట్ లోనే సముద్రంకు సంబంధించిన సన్నివేశాలున్నాయి. అంటే బ్లూ/ గ్రీన్ మ్యాట్ లో చేసినవి. దేవర సముద్రం బ్యాక్ డ్రాప్ లో సాగే కథ అని ముందే చెప్పారు కదా..? ఆ బ్యాక్ డ్రాప్ లో అంటే సముద్రంలోనే చిత్రీకరణ చేయడం అసాధ్యం అవుతుంది.
ఏదో పాటలంటే ఓకే కానీ ఫైట్స్, యాక్షన్స్ సీన్స్ అంటే కష్టమైపోతుంది. పైగా ఈ పార్ట్ లో పోటెత్తుతున్న సముద్ర కెరటాల నడుమ ఓ పెద్ద ఫైట్ షూట్ చేసినట్టు టాక్. మొత్తంగా ఈ షెడ్యూల్ తో ఓ పెద్ద పనైపోయిందని దేవర మూవీ టీమ్ హ్యాపీగా ఫీలవుతున్నారట.
