హిట్టైన కాంబోని మళ్లీ మళ్లీ రిపీట్ చేయడానికి ఆసక్తి చూపిస్తుంటారు మేకర్స్. ఇక.. సూపర్ హిట్టైన కాంబినేషన్స్ కోసం సేనీ ప్రేమికులు కూడా ఎంతో ఈగర్ వెయిట్ చేస్తుంటారు. లేటెస్ట్ గా అలాంటి హిట్ కాంబో ఒకటి సెట్ అయ్యింది.
ఈ ఏడాది చిన్న సినిమాగా విడుదలై బాక్సాఫీస్ వద్ద కల్ట్ బ్లాక్ బస్టర్ గా సత్తా చాటిన ఆ చిత్రమే ‘బేబి‘. మెగాస్టార్, ఐకాన్ స్టార్ వంటి వారు కూడా ప్రెస్ మీట్స్ పెట్టి మరీ ఈ సినిమాని ఆకాశానికెత్తేశారంటే ‘బేబి‘ సినిమా విజయం గురించి ప్రత్యేకంగా చెప్పక్కర్లేదు. బాక్సాఫీస్ వద్ద ఈ సినిమా ఏకంగా 100 కోట్లు వసూళ్లు సాధించింది.
అయితే ‘బేబి‘ చిత్రానికి దర్శకత్వం వహించిన సాయి రాజేష్ ఈ చిత్రానికి కథ స్క్రీన్ ప్లే,మాటలు అందిస్తున్నారు. అలాగే ఈ సినిమాను ఎస్.కే.ఎన్ తో కలిసి సాయి రాజేష్ ప్రొడ్యూసర్ గానూ వ్యవహరిస్తున్నారు. నూతన దర్శకుడు రవి నంబూరి ఈ మూవీకి డైరెక్టర్. అలాగే ‘బేబి‘ చిత్రానికి అద్భుతమైన సంగీతాన్నందించిన విజయ్ బుల్గానిన్ ఈ మూవీకి కూడా మ్యూజిక్ అందిస్తున్నాడు. ప్రస్తుతం ప్రీ ప్రొడక్షన్ పనుల్లో ఉన్న ఈ సినిమా త్వరలోనే సెట్స్ మీదకు వెళ్లనుంది. వచ్చే ఏడాది వేసవిలో ఈ చిత్రాన్ని విడుదల చేయనున్నారట.
