ఎనర్జిటిక్ స్టార్ రామ్, డాషింగ్ డైరెక్టర్ పూరి జగన్నాథ్ కాంబినేషన్ లో తెరకెక్కుతున్న యాక్షన్ ఎంటర్టైనర్ ‘డబుల్ ఇస్మార్ట్’. పూరీ టీం ‘డబుల్ ఇస్మార్ట్’ ఓపెనింగ్ రోజునే రిలీజ్ డేట్ అనౌన్స్ చేసింది. మార్చి 8న ఈ చిత్రాన్ని ప్రేక్షకుల ముందు నిలుపుతామని ప్రకటించారు. అయితే.. షూటింగ్ అనుకున్న సమయానికి పూర్తికాకపోవడంతో ఈ చిత్రాన్ని జూన్ లో విడుదల చేయడానికి సన్నాహాలు జరుగుతున్నాయి. జూన్ 14న ‘డబుల్ ఇస్మార్ట్’ను ఆడియన్స్ ముందుకు తీసుకురానున్నారట.
‘ఇస్మార్ట్ శంకర్’కి మించిన రీతిలో డబుల్ డోస్ ఎంటర్ టైమ్ ను పంచడమే కాదు.. ఈ సినిమాతో యాక్షన్ లోనూ హై స్టాండార్డ్ అవుట్‌ పుట్ ను అందించబోతున్నాడట పూరి జగన్నాథ్. ఈ సినిమా క్లైమాక్స్ ఎపిసోడ్ కోసమే దాదాపు రూ.7 కోట్లు ఖర్చుపెడుతున్నట్టు ప్రచారం జరిగింది. 12 రోజుల పాటు చిత్రీకరించే ఆ ఎపిసోడ్ సినిమాలో ఎంతో హైలైట్ గా ఉండబోతుందట. మణిశర్మ ఈ సినిమాకి సంగీతాన్ని సమకూరుస్తున్నాడు. బాలీవుడ్ వెటరన్ యాక్టర్ సంజయ్ దత్ ఈ మూవీలో విలన్. పూరి జగన్నాథ్, ఛార్మి కౌర్ లు సంయుక్తంగా నిర్మిస్తున్న ఈ సినిమా దక్షిణాది భాషలతో పాటు హిందీలోనూ విడుదల చేయబోతున్నారు.
