టాలీవుడ్ కింగ్ నాగార్జున, యువ సామ్రాట్ నాగ చైతన్య క‌ల‌సి న‌టించిన తాజా చిత్రం బంగార్రాజు. బ్లాక్ బస్టర్ మూవీ సోగ్గాడే చిన్ని నాయనాకు చిత్రానికి సీక్వెల్ అయిన బంగార్రాజు చిత్రాన్ని టాలెంటెడ్ డైరెక్ట‌ర్ క‌ళ్యాణ్ కృష్ణ తెర‌కెక్కించారు. ఈ సీక్వెల్‌ను మరింత వినోదాత్మకంగా రూపొందించారు. ఈ చిత్రాన్ని అన్న‌పూర్ణ స్టూడియోస్ బ్యాన్ పై నాగార్జున ప్ర‌తిష్టాత్మ‌కంగా నిర్మించారు.
బంగార్రాజు చిత్రం మొదటి రోజు వ‌లే.. రెండో రోజు కూడా భారీ వసూళ్లు రాబట్టింది. నిజానికి ఈ చిత్రం రెండో రోజు భారీ వసూళ్లను రాబట్టింది. ట్రెండ్‌ను కొనసాగిస్తూ, బంగార్రాజు మూడు రోజు కూడా బాక్సాఫీస్ వద్ద భారీ వసూళ్లను సాధించాడు. ఈ చిత్రం ప్రపంచ వ్యాప్తంగా మూడు రోజులకు రూ. 53 కోట్ల గ్రాస్ వసూలు చేసింది, ఇది నాగార్జున మరియు నాగ చైతన్య ఇద్దరికీ మొదటి వారాంతంలో అత్యధిక కలెక్షన్లు. ఈ భారీ క‌లెక్ష‌న్స్ తో బంగార్రాజు సంక్రాంతి విజేతగా నిలిచాడు.
ఊహించినట్టుగానే.. బంగార్రాజు కోసం రెండవ రోజు నుండి అదనపు థియేటర్లును పెంచారు. ఈ నెలలో భారీ, క్రేజీ చిత్రాలు విడుదల లేక‌పోవ‌డం బంగార్రాజుకు మ‌రింత‌గా క‌లిసోస్తుంది. దీంతో లాంగ్ ర‌న్ లో బంగార్రాజు ఇంకెంత క‌లెక్ట్ చేస్తాడు అనేది ఆస‌క్తిగా మారింది.
