రీమేక్స్ తెరకెక్కించడం అంటే అంత ఆషామాషీ కాదు. ఒరిజినల్ లోని సోల్ ని మాత్రమే తీసుకుని.. మన నేటివిటీకి తగ్గట్టుగా తెరకెక్కించాలి. ఈ విషయంలో ‘కోటబొమ్మాళి పి.ఎస్’ సక్సెస్ అవుతోందనే నమ్మకాన్ని ఈ సినిమా టీజర్ కల్పిస్తుంది. మలయాళంలో మంచి విజయాన్ని సాధించిన ‘నాయాట్టు’ రీమేక్ గా ‘కోటబొమ్మాళి పి.ఎస్’ రూపొందుతోంది. నేరస్థులను పట్టుకోవాల్సిన పోలీసులే ఓ కేసులో ఇరుక్కుని ఎలా అవస్థలు పడ్డారనే కాన్సెప్ట్‌ తో ఈ చిత్రం రాబోతుంది. లేటెస్ట్ గా రిలీజైన ఈ మూవీ టీజర్ ఆకట్టుకుంటుంది.
ఇప్పటికే రిలీజైన ఈ సినిమాలోని ‘లింగి లింగి లింగిడి’ సాంగ్ కి చాలా మంచి రెస్పాన్స్ వచ్చింది. ఇప్పడు టీజర్ తో ఈ సినిమాపై అంచనాలు భారీగా పెరిగాయి. గీతా ఆర్ట్స్ 2 బ్యానర్ పై బన్నీ వాస్, విద్యా కొప్పినీడి ఈ చిత్రాన్ని నిర్మిస్తున్నారు. శ్రీకాంత్, వరలక్షి శరత్ కుమార్, రాహుల్ విజయ్, శివానీ రాజశేఖర్, మురళీ శర్మ ప్రధాన పాత్రలు పోషించారు. ‘జోహర్, అర్జున ఫాల్గుణ’ ఫేమ్ తేజ మార్ని తెరకెక్కించాడు. నవంబర్ 24న ‘కోటబొమ్మాళి పి.ఎస్’ రిలీజ్ కు రెడీ అవుతోంది.
