ఎనర్జిటిక్ స్టార్ రామ్, డాషింగ్ డైరెక్టర్ పూరి జగన్నాథ్ కాంబినేషన్ లో తెరకెక్కుతున్న యాక్షన్ ఎంటర్టైనర్ ‘డబుల్ ఇస్మార్ట్’. పూరీ టీం ‘డబుల్ ఇస్మార్ట్’ ఓపెనింగ్ రోజునే రిలీజ్ డేట్ ని ప్రకటించారు. మార్చి 8న ఈ చిత్రం రిలీజ్ కు రెడీ అవుతోంది. విడుదల తేదీ దగ్గరపడుతుండడంతో ఈ సినిమాని శరవేగంగా పూర్తిచేస్తున్నారు. ‘ఇస్మార్ట్ శంకర్’కి మించిన రీతిలో డబుల్ డోస్ ఎంటర్ టైమ్ ను పంచడమే కాదు.. ఈ సినిమాతో యాక్షన్ లోనూ హై స్టాండార్డ్ అవుట్‌ పుట్ ను అందించబోతున్నాడట పూరి జగన్నాథ్.
‘డబుల్ ఇస్మార్ట్’ క్లైమాక్స్ ఎపిసోడ్ కోసమే రూ.7 కోట్లు ఖర్చుపెడుతున్నారట. 12 రోజుల పాటు చిత్రీకరించే ఈ ఎపిసోడ్ ఎంతో హైలైట్ గా ఉండబోతుందని చిత్రబృందం చెబుతోంది. మణిశర్మ ఈ సినిమాకి సంగీతాన్ని సమకూరుస్తున్నాడు. బాలీవుడ్ వెటరన్ యాక్టర్ సంజయ్ దత్ ఈ మూవీలో విలన్. పూరి జగన్నాథ్, ఛార్మి కౌర్ లు సంయుక్తంగా నిర్మిస్తున్న ఈ సినిమా దక్షిణాది భాషలతో పాటు హిందీలోనూ విడుదల చేయబోతున్నారు.
