పద్మశ్రీ బ్రహ్మానందం ఈమధ్య సినిమాల స్పీడు తగ్గించినా.. ప్రాధాన్యత గల పాత్రలొస్తే నటించడానికి తనకేమీ అభ్యంతరం లేదని చెబుతూనే ఉన్నారు. ఇక.. బ్రహ్మీ ఇప్పుడు తన తనయుడు గౌతమ్ తో కలిసి ‘బ్రహ్మ ఆనందం‘ సినిమా చేయబోతున్నాడు. అయితే.. ఈ తండ్రీకొడుకులిద్దరూ ఈ మూవీలో తాత మనవళ్లుగా నటిస్తుండడం విశేషం. బ్రహ్మానందం, గౌతమ్, వెన్నెల కిషోర్.. ఓ ఫన్నీ వీడియో ద్వారా ఇదే విషయాన్ని తెలుపుతూ ‘బ్రహ్మ ఆనందం‘ మూవీ అనౌన్స్ మెంట్ చేసింది టీమ్. ఈ సినిమాలో బ్రహ్మ గా గౌతమ్ నటిస్తుంటే.. ఆనందం గా బ్రహ్మానందం కనిపించబోతున్నాడు. వెన్నెల కిషోర్ మరో ముఖ్య పాత్రలో నటిస్తున్నాడు.
స్వధర్మ్ ఎంటర్ టైన్ మెంట్ బ్యానర్ పై రాహుల్ యాదవ్ నక్కా నిర్మిస్తున్న ఈ చిత్రానికి ఆర్.వి.ఎస్. నిఖిల్ దర్శకుడు. శాండిల్య పీసపాటి ఈ చిత్రానికి సంగీతాన్ని సమకూరుస్తున్నాడు. త్వరలో షూటింగ్ మొదలుపెట్టుకోనున్న ఈ సినిమా ఈ ఏడాది డిసెంబర్ 6న థియేటర్లలోకి రాబోతుంది.
