ఇటీవల ‘గామి‘తో డీసెంట్ హిట్ అందుకున్న విశ్వక్ సేన్.. ఇప్పుడు తన తర్వాతి చిత్రం ‘గ్యాంగ్స్ ఆఫ్ గోదావరి‘ని విడుదలకు ముస్తాబు చేస్తున్నాడు. విశ్వక్ సేన్, నేహా శెట్టి జంటగా కృష్ణ చైతన్య దర్శకత్వంలో ఈ చిత్రం తెరకెక్కుతోంది. అసలు ఈపాటికే విడుదలవ్వాల్సిన ఈ సినిమా పోస్ట్ ప్రొడక్షన్ కార్యక్రమాలు ఆలస్యమవ్వడంతో వాయిదా పడుతూ వచ్చింది.
లేటెస్ట్ గా ఈ మూవీని సమ్మర్ స్పెషల్ గా దింపుతున్నారు. మే 17న ‘గ్యాంగ్స్ ఆఫ్ గోదావరి‘ విడుదలకు ముస్తాబవుతోంది. ఇప్పటికే ఈ మూవీ నుంచి రిలీజైన ఫస్ట్ గ్లింప్స్, సుట్టంలా అంటూ సాగే గీతాలకు మంచి పేరొచ్చింది. యువన్ శంకర్ రాజా ఈ సినిమాకి సంగీతాన్ని సమకూరుస్తున్నాడు. సితార ఎంటర్ టైన్ మెంట్స్, ఫార్చూన్ ఫోర్ సినిమాస్, శ్రీకర స్టూడియోస్ సంయుక్త నిర్మాణంలో ‘గ్యాంగ్స్ ఆఫ్ గోదావరి‘ రాబోతుంది.
