తెలుగులో కొన్ని క్రేజీ మూవీస్ కి కేవలం థియేట్రికల్ రైట్స్ మాత్రమే కాదు.. అంతకు మించి అన్న రీతిలో నాన్-థియేట్రికల్ బిజినెస్ జరుగుతుంది. ఈ లిస్టులో చెప్పుకోవాల్సిన సినిమా ‘తండేల్‘. నాగచైతన్య నటిస్తున్న ఫస్ట్ పాన్ ఇండియా మూవీ ఇది. ఇప్పటికే ‘కార్తికేయ 2‘ వంటి పాన్ ఇండియా హిట్ అందుకున్న చందూ మొండేటి డైరెక్షన్ లో రూపొందుతోన్న ఈ చిత్రాన్ని గీతా ఆర్ట్స్ నిర్మిస్తుంది.
‘లవ్ స్టోరీ‘ తర్వాత నాగచైతన్య-సాయిపల్లవి జంటగా నటిస్తున్న ‘తండేల్‘ ప్రీ రిలీజ్ బిజినెస్ ఓ రేంజులో జరుగుతుందట. సినిమా ఇంకా చిత్రీకరణ దశలో ఉండగానే.. ఈ మూవీ డిజిటల్ రైట్స్ ను ఓటీటీ జయంట్ నెట్ ఫ్లిక్స్ భారీ మొత్తానికి దక్కించుకుందట. ఈ సినిమాని దక్షిణాది భాషలతో పాటు హిందీ వెర్షన్ కలుపుకుని దాదాపు రూ.40 కోట్లకు కొందట నెట్ ఫ్లిక్స్. నాగచైతన్య సినిమాల్లోనే ఇదొక బిగ్ డీల్ అని చెప్పుకుంటున్నారు. ప్రస్తుతం శరవేగంగా షూటింగ్ జరుపుకుంటోన్న ‘తండేల్‘.. డిసెంబర్ లో విడుదలయ్యే అవకాశాలున్నాయి.
