గ్రేట్ డైరెక్టర్ శంకర్ గతంలో ఎప్పుడూ లేని విధంగా ఇప్పుడు ఒకేసారి రెండు సినిమాలతో బిజీ అయ్యాడు. వాటిలో ఒకటి ‘భారతీయుడు 2’ అయితే.. మరొకటి ‘గేమ్ ఛేంజర్’. ఇంచుమించు సమాంతరంగా పూర్తవుతోన్న ఈ రెండు సినిమాలలో ముందుగా వచ్చేది ‘భారతీయుడు 2’ అని తెలిసిందే. కానీ.. ఈ చిత్రం ఎప్పుడు విడుదలవుతోందా? ‘గేమ్ ఛేంజర్’కి ఎప్పుడు లైన్ క్లియర్ అవుతోందా? అంటూ మెగా ఫ్యాన్స్ ఎంతో ఆసక్తిగా ఎదురుచూస్తున్నారు. ఆ తరుణం రానే వచ్చింది.
మోస్ట్ అవైటింగ్ ‘భారతీయుడు 2’ రిలీజ్ కి రెడీ అవుతోంది. వచ్చే జూన్ లో ‘భారతీయుడు 2’ని ప్రేక్షకుల ముందుకు తీసుకురాబోతున్నట్టు ప్రకటించారు మేకర్స్. అయితే.. జూన్ నెలలో ఏ తేదీన రాబోతుందనే దానిపై ఇంకా క్లారిటీ రావాల్సి ఉంది. 1996లో వచ్చిన ‘భారతీయుడు’కి సీక్వెల్ గా రూపొందుతోన్న ఈ మూవీలో మరోసారి కరప్షన్ కదం తొక్కబోతున్నాడు సేనాపతి పాత్రలో కమల్ హాసన్. లైకా ప్రొడక్షన్స్ అత్యంత భారీ బడ్జెట్ తో నిర్మిస్తున్న ఈ చిత్రంలో సిద్ధార్థ్, కాజల్, రకుల్, ఎస్.జె.సూర్య, బాబీ సింహా, బ్రహ్మానందం, సముద్రఖని వంటి భారీతారాగణం ఉంది. ఈ చిత్రానికి అనిరుధ్ సంగీతాన్ని సమకూరుస్తున్నాడు
