మ్యాచో స్టార్ గోపీచంద్ లేటెస్ట్ మూవీ ‘భీమా‘. కన్నడలో పలు విజయవంతమైన సినిమాలు తీసి యాక్షన్ డైరెక్టర్ గా మంచి గుర్తింపు సంపాదించుకున్న ఎ.హర్ష ఈ మూవీకి డైరెక్టర్. శ్రీ సత్య సాయి ఆర్ట్స్ బ్యానర్ పై కె.కె.రాధామోహన్ ఈ చిత్రాన్ని నిర్మిస్తున్నారు. ఈ సినిమాలో గోపీచంద్ కి జోడీగా ప్రియా భవాని శంకర్, మాళవిక శర్మ నటిస్తున్నారు. నాజర్, నరేష్, పూర్ణ, వెన్నెల కిషోర్ ఇతర కీలక పాత్రలు పోషిస్తున్నారు. సినిమా ఎప్పుడు మొదలుపెట్టారో.. ఎప్పుడు పూర్తయ్యిందో తెలియకుండానే ‘భీమా‘ కంప్లీట్ అయ్యింది. ఇప్పటికే ఈ చిత్రం నుంచి విడుదలైన టీజర్, సాంగ్స్ కి సూపర్బ్ రెస్పాన్స్ రాగా.. లేటెస్ట్ గా ఈ మూవీ ట్రైలర్ రిలీజ్ చేశారు.
‘పరశురాముడి క్షేత్రం కోసం బ్రహ్మరాక్షసుడి రౌద్రం‘ అంటూ గోపీచంద్ మార్క్ యాక్షన్ కి తోడు.. ఈ చిత్రానికి డోవిషనల్ టచ్ ఇచ్చాడు డైరెక్టర్ హర్ష. పవర్ ఫుల్ పోలీసాఫీసర్ పాత్రలోనూ.. మరో కొత్త అవతారంలోనూ రెండు విభిన్నమైన షేడ్స్ తో ఈ చిత్రంలో గోపీచంద్ పాత్ర తీర్చిదిద్దినట్టు తెలుస్తోంది. ట్రైలర్ అయితే ఆద్యంతం గూస్ బంప్స్ తెప్పించేలా ఉంది. మహాశివరాత్రి కానుకగా మార్చి 8న ‘భీమా’ థియేటర్లలోకి రాబోతుంది. మరి.. మంచి విజయంకోసం ఎదురుచూస్తున్న గోపీచంద్ కి ‘భీమా’ బంపర్ హిట్ అందిస్తుందేమో చూడాలి.
