బాలీవుడ్ స్టార్ హీరోయిన్ సోనాక్షి సిన్హా వైవాహిక బంధంలోకి అడుగుపెట్టింది. బాయ్ ఫ్రెండ్ జహీర్ ఇక్బాల్ ను ఆమె పెళ్లాడింది. బాంద్రాలోని శత్రుఘ్న సిన్హా నివాసంలో కొద్దిమంది బంధువులు, మిత్రుల సమక్షంలో వీరి వివాహం జరిగింది.
పెళ్లి సమయంలో సోనాక్షి తెలుపురంగు చికంకారి ఎంబ్రాయిడరీ చీర ధరించింది. అటు వరుడు జహీర్ ఇక్బాల్ కూడా సింపుల్ దుస్తులే ధరించాడు. వీళ్ల పెళ్లి హిందూ సంప్రదాయంలో జరుగుతుందా? ముస్లిం పద్ధతిలో జరుగుతుందా? అనే చర్చ జరిగింది. అయితే.. వీరు రిజిష్టర్ మ్యారేజ్ చేసుకున్నారు. అధికారుల సమక్షంలో సోనాక్షి-ఇక్బాల్ ఇద్దరూ సంతకాలు చేసి పెళ్లి తంతు పూర్తి చేశారు. వెడ్డింగ్ ఫొటోలను సోనాక్షి ఇన్స్టాగ్రామ్ లో పోస్ట్ చేసింది. వీరి పెళ్లి ఫోటోలు సోషల్ మీడియాలో వైరల్ అవుతున్నాయి.
