రౌడీ స్టార్ విజయ్ దేవరకొండ కొత్త సినిమాకి సంబంధించి అనౌన్స్‌మెంట్ వచ్చింది. ‘ఫ్యామిలీ స్టార్’ తర్వాత ప్రతిష్ఠాత్మక సంస్థ శ్రీవెంకటేశ్వర క్రియేషన్స్ లో విజయ్ దేవరకొండ నటిస్తున్న చిత్రమిది. శ్రీవెంకటేశ్వర క్రియేషన్స్ లో 59వ చిత్రంగా తెరకెక్కుతోన్న ఈ మూవీని దిల్ రాజు, శిరీష్ సంయుక్తంగా నిర్మిస్తున్నారు.
రూరల్ యాక్షన్ డ్రామాగా ‘రాజావారు రాణిగారు’ ఫేమ్ రవికిరణ్ కోలా ఈ సినిమాని తెరకెక్కిస్తున్నాడు. ఆద్యంతం విలేజ్ బ్యాక్‌డ్రాప్ లో విజయ్ నటించే సినిమా ఇదే కాబోతుంది. ‘రాజావారు రాణిగారు’తో పాటు ‘అశోకవనంలో అర్జునకళ్యాణం’ వంటి సినిమాకి కథ అందించిన రవికిరణ్ కోలా.. ఈ మూవీలో విజయ్ క్యారెక్టర్ ను సరికొత్తగా డిజైన్ చేశాడట. త్వరలో ఈ సినిమాకి సంబంధించి మరిన్ని డిటెయిల్స్ ను వెల్లడించనున్నారు.
