‘బాబు బాగా బిజీ’ సినిమాతో దర్శకుడిగా గుర్తింపు తెచ్చుకున్నారు నవీన్‌ మేడారం. ప్రస్తుతం ఆయన దర్శకత్వంలో నందమూరి కళ్యాణ్‌రామ్‌, సంయుక్త మీనన్ జంటగా ‘డెవిల్’ చిత్రాన్ని తెరకెక్కిస్తున్నారు. “దిబ్రిటీష్ సీక్రెట్ ఏజెంట్” అనేది ఉప శీర్షిక. ఇప్పటికే ఈ సినిమా నుంచి రిలీజైన ఫస్ట్ లుక్ పోస్టర్స్ కి మంచి స్పందన లభించింది. ఈ క్రమంలో తాజాగా ‘దిస్ ఈజ్ లేడీ రోజీ’ అంటూ సాగే లిరికల్ వీడియో సాంగ్ రిలీజ్ అయింది.
యూట్యూబ్ లో ఈ సాంగ్ ప్రేక్షకులను బాగా ఆకట్టుకుంది. ఈ సాంగ్ కి శ్రీహర్ష ఇమాని సాహిత్యం అందించగా, రాజ కుమారి పాడారు. హర్షవర్ధన్ రామేశ్వర్ సంగీత దర్శకుడు. ఈ సాంగ్ వింటుంటే మ్యూజిక్ మాస్ట్రో ఇళయరాజా కంపోజ్ చేసే సాంగ్స్ మాదిరిగా అనిపిస్తుంది. ఇక ఈ చిత్రాన్ని అభిషేక్ నామా భారీ బడ్జెట్‌తో నిర్మిస్తున్నారు.
