బాక్సాఫీస్ వద్ద దీపావళి సందడి మొదలైంది. దీపావళి కానుకగా ఈరోజు నుంచి థియేటర్లలో సందడి చేస్తోంది ‘జింగర్తాండ డబుల్ ఎక్స్’. తొమ్మిదేళ్ల క్రితం కోలీవుడ్ లో సెన్సేషన్ సృష్టించిన ‘జిగర్తాండ’కి సీక్వెల్ ఇది. పీరియడ్ యాక్షన్ కామెడీగా కార్తీక్ సుబ్బరాజ్ తెరకెక్కించిన ఈ చిత్రంలో రాఘవ లారెన్స్, ఎస్.జె.సూర్య హీరోలుగా నటించారు.
‘జింగర్తాండ డబుల్ ఎక్స్’ మూవీపై ఫస్ట్ రివ్యూ వచ్చేసింది. అది కూడా కోలీవుడ్ వెర్సటైల్ యాక్టర్ ధనుష్ నుంచి. ”జింగర్తాండ డబుల్ ఎక్స్’ మూవీని తాను చూశానని.. డైరెక్టర్ కార్తీక్ సుబ్బరాజ్ ఈ సినిమాని చాలా బాగా తీశాడని.. ఎస్.జె. సూర్య కి అద్భుతంగా నటించడం అలవాటైపోయిందని.. లారెన్స్ లో మరో పార్శ్వాన్ని చూడబోతున్నారని.. ఇక.. సంతోష్ నారాయణ్ సంగీతం బాగుందని.. చివరి 40 నిమిషాల సినిమా మీ మనసులు దోచుకుంటుందని’ ఈ సినిమా గురించి ట్వీట్ చేశాడు ధనుష్. ప్రస్తుతం ఈ ట్వీట్ సోషల్ మీడియాలో ట్రెండ్ అవుతోంది.
