సూపర్ స్టార్ రజనీకాంత్ స్పెషల్ కేమియోలో కనిపించబోతున్న చిత్రం ‘లాల్ సలామ్‘. రజనీకాంత్ పెద్ద కుమార్తె ఐశ్వర్య దర్శకత్వంలో ఈ సినిమా రూపొందుతోంది. విష్ణు విశాల్, విక్రాంత్ ప్రధాన పాత్రలు పోషిస్తున్నారు. లైకా ప్రొడక్షన్స్, రెడ్ జయంట్ మూవీస్ సంయుక్తంగా నిర్మిస్తున్న ‘లాల్ సలామ్‘ నుంచి టీజర్ రిలీజయ్యింది. క్రికెట్ మ్యాచ్ తో మొదలైన ఈ టీజర్ లో.. కుటుంబ గొడవలు, మత ఘర్షణలు వంటివి ఎక్కువగా కనిపించాయి. మధ్యలో మొయిదీన్ భాయ్ గా రజనీకాంత్ ఎంట్రీ అయితే బాగుంది.
మొత్తంమీద ఈ టీజర్ లో స్టోరీలోని మెయిన్ థీమ్ ను ఏమాత్రం రివీల్ చేయలేదు డైరెక్టర్ ఐశ్వర్య. ఏ.ఆర్.రెహమాన్ ఈ చిత్రానికి సంగీతాన్ని సమకూరుస్తున్నాడు. పొంగల్ స్పెషల్ గా ‘లాల్ సలామ్‘ విడుదలకు ముస్తాబవుతోంది. ఇక.. అదే సమయంలో ఐశ్వర్య మాజీ భర్త ధనుష్ నటించిన ‘కెప్టెన్ మిల్లర్‘ కూడా రిలీజ్ కానుంది. చూడాలి.. పొంగల్ పోరులో మాజీ భార్యాభర్తల మధ్య పోటీ ఏ రేంజులో ఉంటుందో.
