తెలుగులో హృదయ కాలేయం సినిమాతో దర్శకుడుగా వెరైటీ ముద్రను వేసుకున్నాడు సాయి రాజేశ్. ఆ తర్వాత కొబ్బరిమట్టి చిత్రంతో మెప్పించాడు. మధ్యలో కొన్ని చిత్రాలకు సహ నిర్మాతగానూ వ్యవహరించాడు. ఆ మధ్య కోవిడ్ టైమ్ లో కలర్ ఫోటో అనే సినిమాను నిర్మించాడు
.ఈ చిత్రానికి నేషనల్‌ అవార్డ్ కూడా రావడం విశేషం. ఇప్పుడు ఎస్కేఎన్ నిర్మాతగా తనే డైరెక్ట్ చేసిన సినిమా ‘బేబీ”. విజయ్ దేవరకొండ తమ్ముడు ఆనంద్ దేవరకొండ హీరోగా నటించిన ఈ చిత్రంలో వైష్ణవి చైతన్య హీరోయిన్. విరాజ్ అశ్విన్ ఓ కీలక పాత్ర చేశాడు.
ఇక ఈ మూవీ ఇప్పటికే విడుదలైన మూడు సాంగ్స్ కు మంచి స్పందన వచ్చింది. అవి సినిమాపై అంచనాలను పెంచాయి. కాస్త కలర్ ఫోటో టచ్ కనిపిస్తున్నా.. ఇది కూడా ఖచ్చితంగా ఓ వైవిధ్యమైన సినిమాగా ప్రేక్షకుల నుంచి అద్భుతమైన ప్రశంసలు తెచ్చుకుంటుందని మేకర్స్ చాలా కాన్ఫిడెంట్ గా చెబుతున్నారు. ఇప్పటికి వచ్చిన ప్రమోషనల్ కంటెంట్ చూస్తే ఇదో శాడ్ ఎండింగ్ మూవీ అని కూడా అనుకుంటున్నారు.
గ్రామీణ ప్రాంతం నుంచి పై చదువుల కోసం సిటీకి వెళ్లిన అమ్మాయి అక్కడి తళుకులు చూసి తను గతంలో ప్రేమించిన వ్యక్తిని మర్చిపోతే ఆ ప్రేమికుడు ఏమయ్యాడు.. ఈ తళుకుల వల్ల తన జీవితంలో సంభవించిన మార్పులేంటీ అనేది ప్రధాన పాయింట్ గా ఈ చిత్రం ఉండబోతోందంటున్నారు.
ఇక ఈ సమ్మర్ లోనే వస్తుందనుకున్న బేబీ చిత్ర రిలీజ్ డేట్ అఫీషియల్ గా అనౌన్స్ చేసిందిమూవీ టీమ్. జూలై సెకండ్ వీక్ లో 14వ తారీఖున ఈ మూవీని విడుదల చేయబోతున్నారు. ఇక ఈ చిత్రానికి బ్యాక్ ఎండ్ లో అల్లు అరవింద్ సపోర్ట్ కూడా ఉంటుంది కాబట్టి గ్రాండ్ రిలీజ్ ఉంటుందనుకోవచ్చు. మరి ఇన్నాళ్లుగా ఊరిస్తూ వస్తోన్న బేబీ ఫైనల్ గా ఏ రిజల్ట్ అందుకుంటుందో చూడాలి.
