కమల్ హాసన్, శంకర్ ‘భారతీయుడు 2‘ ప్రచార పర్వానికి శ్రీకారం చుట్టింది టీమ్. ఈరోజు ముంబై వేదికగా ‘భారతీయుడు 2‘ ట్రైలర్ లాంఛ్ జరగబోతుంది. అందుకోసం.. హీరో కమల్ హాసన్, డైరెక్టర్ శంకర్ లతో పాటు.. ఈ సినిమాలో మరో కీలక పాత్ర పోషించిన సిద్ధార్థ్ కూడా ముంబై వెళ్లాడు. అందుకు సంబంధించిన ఫోటోలను సోషల్ మీడియాలో షేర్ చేసింది నిర్మాణ సంస్థ లైకా ప్రొడక్షన్స్.
మరోవైపు ఈరోజు రాత్రి 7 గంటలకు మోస్ట్ అవైటింగ్ ‘భారతీయుడు 2‘ ట్రైలర్ రాబోతుంది. ఈ ట్రైలర్ రిలీజ్ టైమ్ అనౌన్స్ చేస్తూ చిత్రబృందం సరికొత్త పోస్టర్ విడుదల చేసింది. ఈ పోస్టర్ లో ఓల్డ్ లుక్ లో ఉన్న కమల్ హాసన్.. కళ్లజోడు, క్యాప్ తో స్టైలిష్ గా కనిపిస్తున్నాడు. జూలై 12న ‘భారతీయుడు 2‘ విడుదలకు ముస్తాబవుతోంది.
